Share Market Closing Latest Update 11 October 2024: या आठवड्यातही देशांतर्गत शेअर बाजारात मोठे चढ-उतार पाहायला मिळाले. शुक्रवारी (11 ऑक्टोबर) दिवसभराच्या चढ-उतारानंतर बाजार घसरणीवर बंद झाले. निफ्टी 34 अंकांनी घसरून 24,964 वर बंद झाला. सेन्सेक्स 230 अंकांनी घसरून 81,381 वर बंद झाला आणि निफ्टी बँक 358 अंकांनी घसरून 51,172 वर बंद झाला.
मिडकॅप निर्देशांक आणि स्मॉलकॅप निर्देशांकात आज वाढ झाली. मिडकॅप निर्देशांक सुमारे 300 अंकांनी वाढून 59,225 वर पोहोचला, तर स्मॉलकॅप निर्देशांक 100 अंकांनी वाढून 19,020 वर बंद झाला.
शुक्रवारी सेन्सेक्समधील 30 कंपन्यांपैकी 17 कंपन्यांचे शेअर्स हिरव्या रंगात आणि उर्वरित 13 कंपन्यांचे शेअर्स लाल रंगात बंद झाले. तर निफ्टी 50 मधील 50 शेअर्सपैकी 28 कंपन्यांचे शेअर्स हिरव्या रंगात आणि 22 कंपन्यांचे शेअर्स लाल रंगात बंद झाले.
सेन्सेक्स कंपन्यांमध्ये आज एचसीएल टेकचे शेअर्स सर्वाधिक 1.70 टक्क्यांच्या वाढीसह बंद झाले, तर टीसीएसचे शेअर्स 1.93 टक्क्यांच्या घसरणीसह बंद झाले.
याशिवाय टेक महिंद्राचे शेअर्स 1.42 टक्क्यांच्या वाढीसह आणि JSW स्टीलचे शेअर्स 1.02 टक्क्यांच्या वाढीसह बंद झाले. दुसरीकडे महिंद्रा अँड महिंद्राचे शेअर्स 1.83 टक्के, आयसीआयसीआय बँक 1.56 टक्के, पॉवर ग्रिड 1.18 टक्के, मारुती सुझुकी 1.13 टक्क्यांनी घसरणीसह बंद झाले.
आज तेजीत असणाऱ्या शेअर्समध्ये हिंदुस्थान युनिलिव्हर, लार्सन अँड टुब्रो, टाटा स्टील, टायटन, इन्फोसिस, सन फार्मा, कोटक महिंद्रा बँक, स्टेट बँक ऑफ इंडिया, भारती एअरटेल, टाटा मोटर्स, रिलायन्स इंडस्ट्रीज, बजाज फिनसर्व्ह, नेस्ले इंडिया यांचा समावेश आहे.
लाल रंगात बंद झालेल्या शेअर्सच्या यादीत ॲक्सिस बँक, एचडीएफसी बँक, इंडसइंड बँक, अदानी पोर्ट्स, एशियन पेंट्स, आयटीसी, अल्ट्राटेक सिमेंट आणि बजाज फायनान्स यांचा समावेश आहे.
एक ट्रेडिंग दिवस आधी म्हणजे 10 ऑक्टोबर 2024 रोजी, BSE वर सर्व शेअर्सचे एकूण मार्केट कॅप 4,62,00,104.97 कोटी रुपये होते. आज म्हणजेच 11 ऑक्टोबर 2024 रोजी इक्विटी मार्केटमधील व्यवहाराच्या शेवटी मार्केट कॅप 4,62,29,891.08 कोटी रुपये झाले. याचा अर्थ गुंतवणूकदारांच्या संपत्तीत 29,786.11 कोटी रुपयांची वाढ झाली आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.