Stock Market Record: शेअर बाजारात नवा विक्रम! निफ्टी 25,500च्या जवळ, सेन्सेक्स 83,300 पार

Stock Market Record: भारतीय शेअर बाजारात आज नवीन रेकॉर्ड झाला आहे. आज पुन्हा एकदा निफ्टीमध्ये सर्वकालीन उच्चांक आणि सेन्सेक्समध्येही विक्रमी उच्चांक गाठला आहे. सकाळी गुंतवणूकदारांना सामोरे जावे लागलेल्या निराशेचे रूपांतर आता उत्साहात झाले आहे. निफ्टी 25,500 च्या अगदी जवळ आला आहे आणि सेन्सेक्सने 83,300 ची पातळी ओलांडली आहे.

बँक निफ्टीमुळे शेअर बाजार तेजीत

बँक निफ्टीमध्ये 400 हून अधिक अंकांची उसळी पाहायला मिळत आहे आणि 52,630 च्या पातळीवर व्यापार करताना दिसत आहे. देशांतर्गत शेअर बाजारात त्याचा वाटा जास्त आहे, ज्याच्या पाठिंब्याने भारतीय शेअर बाजारात नवा रेकॉर्ड झाला आहे. आजच्या व्यवहारात मोठी रिकव्हरी दिसून आली आणि सेन्सेक्स-निफ्टी सकाळी लाल रंगात उघडले पण आता तेजी दिसून येत आहे.

फेडचे अध्यक्ष जेरोम पॉवेल आज रात्री यूएस फेडरल रिझर्व्हच्या निर्णयांची घोषणा करतील. यूएस फेड आपले व्याजदर वाढवू शकते असा अंदाज वर्तवला जात असल्याने ही वाढ 0.25 टक्के की 0.50 टक्के होईल हे पाहणे बाकी आहे. त्यामुळे जागतिक बाजारपेठेत विदेशी गुंतवणूकदार सातत्याने सावध आहेत. भारतीय बाजारातील आयटी शेअर्समध्ये घसरण झाली आहे.

BSE चे बाजार भांडवल किती वाढले?

बीएसईचे बाजार भांडवल सध्या 469.54 लाख कोटी रुपयांवर आले आहे आणि बीएसईच्या 3916 शेअर्सच्या व्यापारात सध्या 1754 शेअर्स वाढताना दिसत आहेत. तर 2001 शेअर्स घसरत आहेत आणि 161 शेअर्स कोणताही बदल न करता व्यवहार करत आहेत.