Tyre Stocks: दिग्गज टायर कंपनी बाळकृष्ण इंडस्ट्रीज (Balkrishna Industries) 2023-24 या आर्थिक वर्षासाठी पहिला अंतरिम डिव्हिडेंड जाहीर करण्याच्या तयारीत आहे. त्यासाठी येत्या 5 ऑगस्ट रोजी होणाऱ्या कंपनीच्या बोर्ड ऑफ डायरेक्टर्सच्या बैठकीत निर्णय घेतला जाणार आहे.
कंपनीने 28 जुलैला एक्सचेंज फाइलिंगमध्ये ही माहिती दिली. कंपनीने डिव्हिडेंडसाठी रेकॉर्ड डेटही निश्चित केली आहे. सध्या याचे शेअर्स बीएसईवर 0.67 टक्क्यांच्या वाढीसह 2,480.75 रुपयांवर ट्रेड करत आहे. या महिन्यात शेअर्समध्ये सुमारे 5 टक्क्यांची वाढ झाली आहे.
बालकृष्ण इंडस्ट्रीजने 2023-24 या आर्थिक वर्षातील पहिल्या अंतरिम डिव्हिडेंडचा निर्णय घेतला आहे. यावर अद्याप निर्णय झालेला नसला तरी रेकॉर्ड डेट निश्चित करण्यात आली आहे. 12 ऑगस्ट 2023 रोजी या डिव्हिडेंडची रेकॉर्ड डेट निश्चित केली आहे, शिवाय कंपनी त्याच दिवशी जून तिमाहीचे निकाल जाहीर करेल.
बालकृष्ण इंडस्ट्रीजच्या शेअर्सने गुंतवणूकदारांना चांगला परतावा दिला आहे. गेल्या वर्षी 15 नोव्हेंबर 2022 रोजी या शेअर्सची किंमत 1801 रुपये होती. हा एक वर्षाचा नीचांक आहे.
यानंतर खरेदी वाढली आणि सात महिन्यांत 21 जून 2023 रोजी ती 40 टक्क्यांहून वाढत 2525 रुपयांवर पोहोचली. ही त्याची एक वर्षातील उच्चांकी पातळी आहे.
यानंतर शेअर्समध्ये विक्रीचा दबाव वाढला आणि एका महिन्यात ते दीड टक्क्यांहून अधिक घसरले. यावर्षी त्यात 16 टक्क्यांहून अधिक वाढ झाली आहे.
नोंद - क्रिप्टो मार्केट, शेअर मार्केट किंवा म्युच्युअल फंडातील गुंतवणुकीत जोखीम असते. यामध्ये फायद्याप्रमाणे नुकसान होण्याचीही शक्यता असते. त्यामुळे क्रिप्टो, शेअर बाजार किंवा म्युच्युअल फंडातील कोणतीही गुंतवणूक करण्याआधी आपल्या वित्तीय सल्लागारासोबत चर्चा करूनच गुंतवणूक करा.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
