ढिंग टांग : खिसा, बॅग, खोके वगैरे..!

ढिंग टांग सदू : (फोन फिरवत) गुर्रर्र…गुर्रर्र…हिर्रर्रर्र..! दादू : (आवाज ओळखून) सदूराया, तू कशाला वाघासारखी डरकाळी फोडतोस? तू इंजिनाची शिट्टी मार! कूऽऽक…अशी!सदू : (काळजीपोटी) तुझ्या बॅगा तपासल्या म्हणे! दादू : (खवळून) नतद्रष्ट, निमकहराम, गद्दार लेकाचे..!सदू : (चौकशी करत) काय निघालं बॅगेत?.दादू : (तळतळून) काय निघणार? एखादा सामान्य माणूस हेलिकॉप्टरनं महाराष्ट्रातल्या गावागावात फिरतो, संध्याकाळी घरी येतो, त्याला कशाला लागतंय सामान? उगीच बॅगा उपसून नौटंकी करतात झालं!!सदू : (अदमास घेत) तुला भयंकर मानसिक त्रास झालेला दिसतोय!!दादू : (सात्विक संतापानं) होणार नाही का? दरवेळा नेम धरुन माझीच बॅग तपासतात! बाकी कुणाच्या बॅगांमध्ये डोकावून बघितलं का या नतद्रष्टांनी? तिथं हाताची घडी घालून उभे राहणार, मी समोर आलो रे आलो की यांना तपासकामाचा इसाळ येतो!!सदू : (काडी टाकत) मुद्दाम करतात लेकाचे! तुला त्रास द्यायला!दादू : (चेवात येऊन) पण मी काही कच्च्या गुरुचा चेला नाही! मीसुद्धा त्यांना चांगली अद्दल घडवली!सदू : (कळवळून) त्या बिचाऱ्या कर्मचाऱ्यांना कशाला धारेवर धरलंस! ते बिचारे हुकमाचे ताबेदार!! वरुन ऑर्डर आली की ते बॅग उघडायला सांगणार!!.दादू : (दुर्लक्ष करत) मी त्यांची तपासणी सरळ शूट केली!! त्यांना ओळखपत्र विचारलं! पाकिटात पैसे किती आहेत, ते दाखव म्हणून फर्मावलं! जाम तंतरली होती त्यांची!सदू : (कुतुहलानं) किती निघाले?दादू : (गोंधळून) काय?सदू : (शांतपणे) पाकिटात पैसे?दादू : (गोंधळून) कुणी मोजले? मला घाबरले, हे महत्त्वाचं!सदू : (बेरकीपणाने) त्यांच्या नाही, तुझ्या!दादू : (सहज सांगितल्यागत) छे रे! कुठे काय? थोडी चिल्लर होती! मला कुठे लागतात खर्चाला पैसे? शिवाय आज तारीख किती?.ढिंग टांग : स्ट्राइक रेट म्हंजे काय..?.सदू : (टोमणा मारत) तुझ्या हातून काय पैसे सुटतात? लहानपणी साधं लॉलीपॉप घेऊन द्यायचं म्हटलं तरी ‘घसा खराब होईल, यंव होईल, त्यंव होईल’ अशी कारणं सांगायचास! मुळात तुझ्या हातून पैसे सुटत नाहीत, हाच मुद्दा आहे!!दादू : (सारवासारव करत) एवढा काही चिंगूस नाही हं मी, सदूराया!सदू : (रुसल्यागत) साधी फुकटची टाळी देत नाहीस तू!दादू : (गंभीर चेहरा करत) बॅगा माझ्या एकट्याच्याच तपासतात, याला माझा आक्षेप आहे!सदू : (समजूत घालत) सगळ्यांच्याच तपासतात! तुला फक्त ते मनाला लागलं! बाकीच्यांनी त्याचा इश्यु केला नाही, एवढंच!दादू : (घुश्शात) तुझ्या तपासल्या बॅगा?.सदू : (हात वर करत) मी बॅग नेतच नाही! माझ्या हातात फक्त रुमाल असतो! आणि हात नाकाशी! काय तपासणार? पण काहीही म्हण, बॅगा तपासायच्या तर त्यांनी इतरांच्या तपासाव्यात! तुझी बॅग तपासणं म्हणजे अगदी खुळचटपणा आहे!!दादू : (समाधानाने) …म्हंजे माझा मुद्दा पटला ना तुला? थँक्यू!!सदू : (पाठिंबा देत) अगदी पटला! म्हणून मी हल्ली कुठे फारसा फिरत नाही! माझी बॅग तपासायला उगाच स्कोप देत नाही!! कशाला उगीच खाजवून खरुज काढायची?दादू : (बेसावधपणाने) मी तरी कुठं जातोय बांद्रा सोडून? पण सध्या ही इलेक्शनची शिंची कटकट आहे ना! जावं लागतं!!सदू : (आयडिया सुचवत) माझं ऐक, तू सामान बॅगेतून नेण्यापेक्षा, खोक्यातून ने! महाराष्ट्रात खोकेबिके तपासत नाहीत, असं ऐकलंय!जय महाराष्ट्र!! #ElectionWithSakal.सकाळ+ चे सदस्य व्हा ब्रेक घ्या, डोकं चालवा, कोडे सोडवा!Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

ढिंग टांग : खिसा, बॅग, खोके वगैरे..!

Related Stories