गैरव्यवहारांपासून वाचायचं कसं?

- अपूर्वा जोशी, apurvapj@gmail.com / मयूर जोशी, joshimayur@gmail.com

सध्याची पिढी ही इन्स्टाग्राम पिढी म्हटली जाते; विजय काही त्याला अपवाद नाही. एक दिवस विजयला एका सुबक पादत्राणांचा फोटो इन्स्टाग्राम चाळत असताना दिसला. तो फोटो इतका मोहक होता, की विजयने त्वरित ती पादत्राणे खरेदी केली पण विजयला ऑनलाइन घोटाळ्यांची बऱ्यापैकी माहिती असल्याने त्याने पैसे ऑनलाइन भरायचे टाळले, दोन दिवसांनी पादत्राणे घरी आली तेव्हा त्याच्या बायकोने पैसे देऊन टाकले, तिच्या वाढदिवसासाठीच तर विजयने ते मागवले होते.