रशियन लेखक फ्योदर डोस्टोव्हस्की याच्या गाजलेल्या ‘ब्रदर्स कारामाझॉव’ कादंबरीवर अलीकडेच ‘करमजले ब्रदर्स’ नावाचं हिंदी नाटक आलं. प्रसिद्ध अभिनेता रजत कपूर याने त्याचं नाट्य रूपांतर हिंदी भाषेत सादर केलं आहे. नऊशे पानांचं शब्दभंडार दीड तासाच्या नाटकात मांडण्याचं शिवधनुष्य त्याने लीलया पेललं आहे. साहित्यकृतीचे रंगमंचाच्या मर्यादित अवकाशात सादरीकरण त्याने छानच जुळवून आणलं आहे.