खंबाटकी घाटाजवळील एस कॉर्नरवर सहा गाड्यांचा अपघात झाल्याचं समजतंय.
खंडाळा : खंडाळा (सातारा) : पुणे-सातारा महामार्गावरील (Pune-Satara Highway) खंबाटकी घाटात (Khambatki Ghat) नेहमी अपघात घडणाऱ्या एस आकाराच्या तीव्र वळणावर आज सायंकाळी पाच वाजता भरधाव वेगात जाणाऱ्या लक्झरी एकमेकावर आदळल्याने एकूण सहा गाड्यांचा विचित्र अपघात झाला.
घटनास्थळ व पोलिसांनी (Khandala Police) दिलेल्या माहितीवरुन, खंबाटकी घाट उतरल्यानंतर महामार्गावर पुढील चालणाऱ्या लक्झरीला (गाडी क्रमांक एमएच 09 सीएन 9207) पाठीमागून आलेल्या लक्झरीने (गाडी क्रमांक एमएच 46 बीबी 9566) ठोकरले. यावेळी रस्त्यावर लक्झरी गाडी अचानक आडवी झाली. अचानक गाडी महामार्गावरच आडवी झाल्याने पाठीमागून येणारी दोन कार (गाडी क्रमांक एमएच 12 LJ 3643), बुलेरो (गाडी क्रमांक एमएच 12 ईएफ 5066) व दुचाकी (गाडी क्रमांक एमएच 09 सीएफ 5047) एकमेकांवर आदळल्याने मोठा अपघात झाला.
यामध्ये गाड्यांचे प्रचंड नुकसान झाले. मात्र, सुदैवाने कोणीही जखमी नाही. खंडाळा पोलीस विठ्ठल पवार, फरांदे, भोईटे व पिसाळ तत्काळ घटनास्थळी दाखल झाले. यावेळी वाहनांना तत्काळ बाजूला करत वाहतूक सुरळीत करण्यात आली. त्यानंतर पोलिसांनी अपघातग्रस्त गाड्या पोलीस स्टेशनला नेहून लावल्या आहेत.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
