Shirval/Satara News : राष्ट्रवादी काँग्रेसचे अध्यक्ष शरद पवार यांचे सातारा जिल्ह्याच्या प्रवेशद्वारावर नीरा नदीच्या तीरावर शिंदेवाडी (ता. खंडाळा) येथे आज सकाळी जंगी स्वागत करण्यात आले. यावेळी शरद पवार, आमदार रोहित पवार, प्रतिभाताई पवार यांच्यासमवेत आमदार मकरंद पाटील हेही असल्याचे पाहून अनेकांनी भुवया उंचावल्या.
अजित पवार यांच्या राजकीय बंडावेळी आमदार मकरंद पाटील यांचे नाव असल्याचे सांगण्यात आल्याने आज आमदार पाटील यांना शरद पवार यांच्यासोबत पाहून अनेकांना आश्चर्याचा धक्का बसला. आमदार पाटील यांना अजित पवारांसोबत पाहून वाई विधानसभा राष्ट्रवादी कार्यकर्त्यांनी आपली भूमिकाही जाहीर केली होती.
आज आमदार पाटील यांना ज्येष्ठ नेते शरद पवार यांच्यासोबत पाहून हे कार्यकर्ते आता नेमकी काय भूमिका घेणार ? हे पाहणे औत्सुक्याचे ठरणार आहे. दरम्यान, जिल्ह्याच्या प्रवेशद्वारावर आगमन होताच ज्येष्ठ नेते शरद पवार यांचे पुष्पहार व जोरदार घोषणाबाजी होऊन त्यांचे कार्यकर्त्यांनी स्वागत केले.
यावेळी जिल्हा परिषदेचे माजी अध्यक्ष उदय कबुले, मनोज पवार, राजेंद्र तांबे, डॉ. नितीन सावंत, सरपंच रविराज दुधगावकर, उपसरपंच ताहेर काझी, हणमंतराव सांळुखे, अजय भोसले, आदेश भापकर, अमीर काझी आदींसह कार्यकर्ते उपस्थित होते. यानंतर खंडाळा येथेही ज्येष्ठ नेते पवार यांचे विजयराजे धमाळ व कार्यकर्त्यांनी स्वागत केले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.