सातारा : पोलिस अधीक्षकपदाचा कार्यभार अजयकुमार बन्सल यांनी मावळत्या पोलिस अधीक्षक तेजस्वी सातपुते यांच्याकडून स्वीकारला. पदभार स्वीकारल्यानंतर बन्सल यांनी सकाळी पोलिस मुख्यालयात पोलिस दलातील अधिकाऱ्यांकडून जिल्ह्यातील गुन्हेगारी कारवायांचा आढावा घेत तपासाच्या अनुषंगाने आवश्यक त्या सूचना दिल्या.
पोलिस अधीक्षक बन्सल हे गुरुवारी दुपारी येथे दाखल झाले. यानंतर झालेल्या कार्यक्रमादरम्यान कोल्हापूर परिक्षेत्राचे महानिरीक्षक मनोज लोहिया यांनी बन्सल यांचे स्वागत केले, तर सातपुते यांना निरोप दिला. यानंतर बन्सल यांनी सातारा पोलिस मुख्यालयात येऊन सातपुते यांच्याकडून पोलिस अधीक्षकपदाचा कार्यभार स्वीकारत पोलिस दलाचा आढावा घेतला. यानंतर बन्सल यांचे अतिरिक्त पोलिस अधीक्षक धीरज पाटील, परिविक्षाधीन पोलिस अधीक्षक समीर शेख, स्थानिक गुन्हे अन्वेषण शाखेचे सर्जेराव पाटील व इतर वरिष्ठ अधिकाऱ्यांनी स्वागत केले.
जिल्हा रुग्णालयात उपचार सुविधा त्वरित सुरु करा : आमदार शिवेंद्रसिंहराजे
शुक्रवारी सकाळी बन्सल यांनी पोलिस मुख्यालयात येऊन कामकाजाची माहिती घेतली. यानंतर त्यांनी उपस्थित पोलिस अधिकाऱ्यांकडून कायदा व सुव्यवस्थेचा आढावा घेत गुन्ह्यांचा निपटारा करण्यासाठीच्या सूचना केल्या. साताऱ्यातील कायदा व सुव्यवस्था अबाधित राखण्यासाठी आवश्यक त्या सर्व उपाययोजना राबविण्यासाठी आक्रमक राहणार असल्याचे बन्सल यांनी स्पष्ट केले.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.