सातारा : गेली अनेक वर्षे प्रलंबित असणारी सातारा पालिकेतील 36 कर्मचाऱ्यांची सातव्या वेतन आयोनानुसार वेतननिश्‍चिती पूर्ण झाली. या वेतननिश्‍चितीमुळे त्या कर्मचाऱ्यांना आत्ता सहाव्या आणि सातव्या वेतन आयोगाचा लाभ मिळणे सुकर झाले आहे.
पालिकेत कार्यरत असणाऱ्या कर्मचाऱ्यांपैकी 36 कर्मचाऱ्यांची सहाव्या आणि सातव्या वेतन आयोगानुसारची वेतननिश्‍चिती अनेक वर्षे प्रलंबित होती. याबाबत त्या कर्मचाऱ्यांनी नगर विकास विभागाकडे दाद मागितली होती. यानंतर नगरविकास विभागाने त्या 36 कर्मचाऱ्यांची वेतन आयोगानुसार वेतननिश्‍चिती करण्याचे आदेश दिले होते. हे आदेश सातारा पालिकेच्या तत्कालीन प्राशासकीय अधिकाऱ्यांनी बासनात गुंडाळून ठेवले होते.
पालिकेचा पदभार अभिजित बापट यांनी स्वीकारल्यानंतर त्या कर्मचाऱ्यांनी भेट घेत वेतननिश्‍चिती करण्याची मागणी केली होती. याचबरोबर त्या कर्मचाऱ्यांनी या प्रश्‍नाबाबत खासदार उदयनराजे भोसले यांची भेट घेतली. खासदार उदयनराजेंनी त्यानुसार बापट यांना सूचना केल्या होत्या. यानुसार त्या कर्मचाऱ्यांची वेतननिश्‍चिती अंतिम करण्यात आली. यामुळे त्या 36 कर्मचाऱ्यांनी गुरुवारी जलमंदिर येथे जावून खासदार उदयनराजे यांची भेट घेत आनंद व्यक्‍त केला. यानंतर त्यांनी नगराध्यक्षा माधवी कदम, उपनगराध्यक्ष किशोर शिंदे, नगरसेवक ऍड. दत्ता बनकर यांची भेट घेऊन त्यांचा सत्कार केला.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.