सावधान, जशी फलटणला झाली तशी तुमचीही फसवणूक व्हायला वेळ लागणार नाही

फलटण शहर (जि.सातारा) : मी फोन पे कस्टमर केअरमधून बोलत असून, तुम्हाला पैसे रिफंड करायचे आहेत, असे सांगून फोन पे नोटिफिकेशनमध्ये लिंक पाठवून केलेल्या ट्रांजेक्‍शनमध्ये 66 हजार 700 रुपयांची एकाची फसवणूक करण्यात आली आहे.
 
पोलिसांनी मिळालेल्या माहितीनुसार, राजगौरी शशिकांत कदम (रा. लक्ष्मीनगर फलटण) यांची 27 जुलै रोजी दुपारी साडेतीन वाजण्याच्या दरम्यान लक्ष्मीनगर येथे ऑनलाइन फसवणूक झाली आहे. राजगौरी कदम घरी असताना त्यांना एक फोन आला. कदम यांच्या मोबाइल नंबरवर अज्ञाताने त्याचा मोबाइलवरून फोन करून मी फोन पे कस्टमर केअरमधून बोलतोय, तुमचे 4200 रुपये रिफंड होणार आहेत. ते तुम्हाला हवे आहेत का नको? असे म्हणून फिर्यादी यांचे फोन पे नोटिफिकेशनमध्ये लिंक पाठवली. 

एरवी थंड असलेले महाबळेश्वर अचानक तापले, नेमकं काय झाले रात्री वाचा सविस्तर

आठ किलोमीटर पायपीट करणाऱ्या लक्ष्मीचा शाळेत पहिला नंबर; सैन्यात जाण्याचे स्वप्न 

त्यानंतर त्या लिंकच्या माध्यमातून दहा वेळा ट्रांजेक्‍शन करून कदम यांच्या अकाउंटमधून 66 हजार 700 रुपयांची फसवणूक केल्याची फिर्याद त्यांनी फलटण शहर पोलिस ठाण्यात दिली आहे. अधिक तपास पोलिस निरीक्षक प्रताप पोमण करीत आहेत.

Edited By : Siddharth Latkar