दहिवडी (सातारा) : कोविडच्या (corona) पार्श्वभूमीवर येथील सर्व गणेशोत्सव मंडळांनी प्रशासनाच्या हाकेला प्रतिसाद दिला असून, एक गाव, एक गणपतीचा स्तुत्य निर्णय घेतला आहे. दहिवडी पोलिस ठाण्याचे प्रभारी सहायक पोलिस निरीक्षक संतोष तासगावकर व नगराध्यक्ष धनाजी जाधव यांच्या उपस्थितीत नगरपंचायत हद्दीतील सर्व गणेश मंडळांचे अध्यक्ष, सचिव व सदस्य यांची बैठक झाली.
या बैठकीस माण पंचायत समितीचे माजी सभापती अतुल जाधव, माजी नगराध्यक्ष सतीश जाधव, युवा नेते सिद्धार्थ गुंडगे, नगरसेवक प्रशांत शिंदे, लालासाहेब ढवाण आदी उपस्थित होते. बैठकीमध्ये कोविडचा असलेला प्रादुर्भाव लक्षात घेता गणेशोत्सव साध्या पद्धतीने साजरा करावा, तसेच संपूर्ण शहरात एकच सार्वजनिक गणेशोत्सव करावा, असे आवाहन तासगावकर यांनी केले.
या आवाहनाला सर्वच मान्यवर, तसेच मंडळांनी प्रतिसाद दिला. सर्वानुमते आझाद गणेश मंदिरमध्ये गणेशोत्सव साजरा करण्याचा निर्णय घेण्यात आला. यात सर्व मंडळांनी सहभागी होऊन सर्वांनी सहकार्य करायचे, तसेच रोज एका मंडळाला आरतीचा मान देण्याचे ठरविण्यात आले. सर्वांनी या निर्णयाचे स्वागत करून गणेशोत्सव उत्साहात साजरा करावा, असे आवाहन नगराध्यक्ष जाधव यांनी केले.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
