Waghnakh: लंडन वरुन थेट राजधानी साताऱ्यात येणार वाघनखे.. विशेष विमान उद्या दाखल होणार

Satara: छत्रपती शिवाजी महाराजांची ऐतिहासिक वाघनखे लंडन येथील व्हिक्टोरिया अल्बर्ट म्युझियम येथून साताऱ्यातील छत्रपती शिवाजी संग्रहालयात शुक्रवार (ता. १९) आणण्यात येणार आहेत. या कार्यक्रमाच्या तयारीचा आढावा आज पालकमंत्री शंभूराज देसाई यांनी घेतला.

संग्रहालयातील विविध दालनांना पालकमंत्री देसाई, जिल्हाधिकारी ‍जितेंद्र डुडी व इतर प्रमुख अधिकाऱ्यांसह दालनांची पाहणी करून सूचना केल्या. या वेळी अभिरक्षक प्रवीण शिंदे यांनी माहिती दिली. विशेष विमानाने वाघनखं साताऱ्यात दाखल होतील.

छत्रपती शिवाजी महाराजांची वाघनखे छत्रपती शिवाजी महाराज संग्रहालयात प्रदर्शित केली जाणार असून, ती नागरिकांना पाहण्यासाठी खुली केली जाणार आहेत. या वाघनखांच्या स्वागताचा दिमाखदार सोहळा आयोजित केला आहे. एकूण सात महिने ही वाघनखे शिवाजी महाराज संग्रहालयात असणार आहेत. जिल्ह्यातील प्रत्येक नागरिकाला या वाघनखांचे दर्शन घेण्याची संधी मिळावी, यासाठी नेटके नियोजन प्रशासनाने केले आहे.

या वाघनखांचे दर्शन घेण्याची संधी मिळावी, यासाठी नेटके नियोजन प्रशासनाने केले आहे. वाघनखांच्या स्वागत सोहळ्यासाठी मुख्यमंत्री एकनाथ शिंदे, उपमुख्यमंत्री देवेंद्र फडणवीस व उपमुख्यमंत्री अजित पवार यांना निमंत्रण देण्यात आले आहे. या संग्रहालयाची सजावट, विद्युतरोषणाईवरही विशेष भर देण्यात आल्याचे जिल्हा प्रशासनाने सांगितले आहे.