'पुतळा कोसळण्याची घटना दुर्दैवी, राजकोट घटनेचे स्वत:च्या स्वार्थासाठी कोणी राजकारण करू नये'; उदयनराजेंचे आवाहन

सातारा : राजकोटमधील पुतळा दुर्घटना दुर्दैवी आणि अचानक घडलेली आहे. देशातील सर्व जातीधर्मातील नागरिकांमध्ये या घटनेचे दु:ख आहे. पुतळा उभारणीतील कच्चे दुवे, निसर्गाच्या अवकृपेमुळे छत्रपती शिवाजी महाराज यांचा पुतळा कोसळल्याचे (Chhatrapati Shivaji Maharaj Statue Collapse) समोर येत आहे. या घटनेचे कोणी स्वत:च्या लाभासाठी राजकारण, भांडवल करू नये, तसेच कोणाला लक्ष्‍य बनवू नये, आवाहन खासदार उदयनराजे भोसले (MP Udayanraje Bhosale) यांनी पत्रकाद्वारे केले आहे.