बीएसएनएल कार्यालयात विचारणा केली असता समाधानकारक उत्तरे मिळत नसल्याचे लोकांकडून सांगितले जात आहे.
महाबळेश्‍‍वर : तालुक्यात बीएसएनएल सेवेचा (BSNL Service) बोजवारा उडाल्याचे चित्र आहे. बीएसएनएलच्या कारभारामुळे दुर्गम डोंगरी भागातील लोकांना असंख्य अडचणींचा सामना करावा लागत आहे. तालुक्यात (Mahabaleshwar) ग्रामीण भागातील लोकांना संपर्कासाठी बीएसएनएल हा एकमेव पर्याय असताना गेल्या तीन महिन्यांपासून बीएसएनएल सेवा वारंवार विस्कळित होत आहे. सततच्या नेटवर्क जाण्यामुळे लोक हैराण झाले आहेत.