कोयनावासीयांनी पाळला काळा दिवस; भूकंपाच्या आठवणी आजही ताज्या

कोयनानगर (जि. सातारा) : काेयना  खोऱ्यात ११ डिसेंबर १९६७ ला झालेला विनाशकारी भूकंपाचा ५३ वा स्मृतीदिन कोयनावासीयांनी भूकंपात मृत झालेल्यांना श्रध्दांजली वाहत काळा दिवस म्हणून आज (शुक्रवार) पाळला.

कोयना परिसरातील असंख्य नागरिक या उपक्रमात सहभागी झाले होते. ११ डिसेंबर १९६७ ला पहाटे चार वाजून २३ मिनिटांनी ७.५ रिश्टर स्केल क्षमतेचा भूकंपाचा जोरदार धक्का कोयना परिसरात बसला होता. या भूकंपामुळे कोयना खोऱ्यात खूप माेठे संकट कोसळले होते. या भूकंपात दाेनशे पेक्षा जादा लोकांचा मृत्यू झाला. याबरेबरच दाेन हजार पेक्षा जादा लोक जखमी व जायबंदी झाले होते. या  विभागातील ४० ते ५० गावे पूर्णतः उध्वस्त व बेचिराख झाली होती. या विनाशकारी घटनेला आज (शुक्रवार) ५३ वर्ष पुर्ण झाली आहेत. आजचा हा दिवस कोयना विभागात काळा दिवस म्हणून पाळला जातो.

पत्नीच्या खूनप्रकरणी उस्मानाबादच्या ऊसतोड मजुरास सक्तमजुरी; कऱ्हाड न्यायालयाकडून चारच दिवसांत निकाल

कोयनानगर येथील मारुती मंदीर परीसरात कोयनावासीयांनी एकत्र येवून भूकंपात मृत झालेल्या निष्पाप लोकांना श्रध्दांजली वािहली. यावेळी कोयना प्रकल्पाचे अतिरिक्त कार्यकारी अभियंता वैभव फाळके , पंचायत समितीचे सभापती राजाभाऊ शेलार ,कोयना प्रकल्पाचे उपकार्यकारी अभियंता एन. एम.मेटकरी ,पंचायत समिती सदस्य बबनराव कांबळे , शिव दौलत बँकेचे संचालक अशोकराव पाटील , शिवसेना उपजिल्हा प्रमुख रविंद्र पाटील ,नंदकुमार सुर्वे ,अभियंता संजय शेलार ,पंकज गुरव , सरपंच रमेश कदम , नेताजी सुभाषचंद्र हायस्कूलचे मुख्याध्यापक एम. जे. गिरीगोसावी कोयना प्रकल्पाचे अधिकारी कर्मचारी नेताजी सुभाषचंद्र हायस्कूलचे विद्यार्थी व कोयना विभागातील जनता उपस्थित होती.

Edited By : Siddharth Latkar

कोयनेची मुख्य भूकंप वेधशाळा मार्चनंतर बंद?; पाटणच्या विनाशकारी भूकंपाला 54 वर्षे पूर्ण!