साताऱ्यात भरदिवसा डोक्यात गोळी घालून खून

सातारा : येथील बॉम्बे रेस्टॉरंट चौकातील नटराज मंदिराबाहेर आज दुपारी अनोळखी व्यक्तीने एकावर गोळीबार केला. गोळी डोक्यात घुसल्याने एकाचा मृत्यू झाला असून त्याची ओळख अद्याप पटलेली नाही. याची माहिती मिळाल्यानंतर सातारा शहर पोलीस ठाण्याचे अधिकारी, कर्मचारी त्याठिकाणी दाखल झाले. चौकशी करत त्यांनी गोळीबार करणाऱ्याचा शोध तसेच मृताची ओळख पटविण्याचे काम सुरू केले. पोलिसांनी घटनास्थळावरून बंदुकीच्या गोळीची रिकामी पुंगळी जप्त केली आहे.