कुडाळ (जि. सातारा) : मद्यधुंद पतीने पत्नीच्या डोक्यात दगड घालून आईलाही काठीने बेदम मारहाण केली असल्याची घटना सोनगाव (ता. जावळी) येथे घडली. याप्रकरणी विनोद बबन शिंदे (वय 38) याच्या विरोधात कुडाळ पोलिस स्टेशनमध्ये मारहाणीचा गुन्हा दाखल केला असून, त्याला अटक केली आहे.
पोलिसांनी दिलेल्या माहितीनुसार, घरातील टीव्हीचा आवाज पत्नीने कमी करण्यास सांगितले म्हणून रागात आलेल्या मद्यधुंद पती विनोद शिंदे याने दाराजवळील असणारा दगड उचलून थेट पत्नीच्या डोक्यात घातला. हा सर्व प्रकार सुरू असतानाच मध्यस्थी करणाऱ्या आईला देखील घरात असणाऱ्या काठीने बेदम मारहाण करून जखमी केले. यासंदर्भात पत्नी पल्लवी शिंदे यांनी पती विनोद शिंदे याच्या विरोधात कुडाळ पोलिस ठाण्यामध्ये तक्रार दिली. यावरून पोलिसांनी गुन्हा दाखल केला. अधिक तपास पोलिस उपनिरीक्षक कदम करत आहेत.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.