कऱ्हाड : कृष्णा नदीच्या पात्रात टेंभू गावाजवळ तेथील ग्रामस्थांना मगरीचे दर्शन झाले. त्यामुळे परिसरात घबराट पसरली आहे. दरम्यान, ग्रामस्थांनी नदीकाठावर जाताना दक्षता घ्यावी, शक्यता नदीकडे जाण्याचे टाळावे, असे आवाहन ग्रामपंचायतीकडून करण्यात आले आहे.
कृष्णा नदीकाठावर टेंभू गाव वसले आहे. त्या गावाजवळुन नदी वाहत असल्याने अनेकजण नदीला आंघोळीसाठी जादात. दरम्यान तेथील काही ग्रामस्थांना कृष्णा नदीच्या पात्रात मुक्तपणे संचार करताना मगरीचे दर्शन झाले. त्यामधील काही ग्रामस्थांनी मोबाईलमध्ये मगरीचे चित्रीकरण केले. हा व्हिडीओ टेंभू परिसरात व्हायरल झाला.
मगरचे वास्तव्य नदीपात्रात असल्याचे समजल्यानंतर या परिसरात घबराट पसरली आहे. वन विभागाने मगरीचा बंदोबस्त करावा, अशी मागणी ग्रामस्थांनी केली आहे.दरम्यान, नदीकाठावर जाताना ग्रामस्थांनी स्वत:ची काळजी घ्यावी. सुरक्षेच्या कारणास्तव शक्यतो नदीकडे जाण्याचे टाळावे, असे आवाहन टेंभू ग्रामपंचायतीने केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
