Karad Crime : कऱ्हाड तालुक्यातील डाॅक्टरानं रूग्णालयातच उचललं टोकाचं पाऊल; आंघोळ करुन दवाखान्यात आले अन्..

कऱ्हाड : ओंड (ता. कऱ्हाड) येथील डाॅक्टराने (Doctor) त्यांच्या रूग्णालयातच आत्महत्या केलीये. डाॅ. हेमंत प्रभाकर रेळेकर (वय ५०) असे त्यांचे नाव आहे. त्यांनी दवाखान्यातच गळफास घेऊन आत्महत्या केल्याची धक्कादायक घटना घडली आहे.

पोलिसांनी सांगितले की, तालुक्यातील ओंड येथे डाॅ. रेळेकर व त्यांच्या पत्नी डॉ. दीपा अनेक वर्षांपासून वैद्यकीय व्यवसाय करतात. ओंडोशी रस्त्यावर त्यांचे रेळेकर हाॅस्पिटल होते. पहिल्या मजल्यावर ते आई, पत्नी, मुलगा, मुलगी असे परिवारासह राहत होते.

आज सकाळी डॉ. रेळेकर आंघोळ करुन दवाखान्यात आले. परंतु, परत वर घरात बराच वेळ परतले नाहीत, म्हणून कुटुंबीयांनी दवाखान्यात पाहिले असता त्यांनी दवाखान्यातीलच एका खोलीमध्ये गळफास घेतल्याचे समोर आले. दरम्यान, सदरची घटना समजताच दुपारी बाराच्या सुमारास तालुका पोलीस घटनास्थळी दाखल झाले. मात्र, आत्महत्या नेमकी कशामुळे केली याचे कारण स्पष्ट झालेले नाही.