सातारा - येथील पोवईनाका परिसरातील अतिक्रमणे आज पोलिस बंदोबस्तात हटविण्यात आली. या कारवाईस माजी नगरसेवक श्रीकांत आंबेकर यांनी आक्षेप घेत गोंधळ घातल्याने त्याठिकाणी तणाव निर्माण झाला होता. तणाव असतानाही पोलिस बंदोबस्तात ती अतिक्रमणे काढत परिसर रिकामा करण्यात आला.
पोवईनाका येथे जागेवर काही टपऱ्या आणि खाद्यगाडे आहेत. यानुसार आज त्याठिकाणी कर्मचारी दाखल झाले. येथील टपऱ्या, तसेच दुकाने हटविण्यास सुरुवात केली. याची माहिती मिळाल्यानंतर त्याठिकाणी माजी नगरसेवक श्रीकांत आंबेकर हे आले. या वेळी त्यांच्यासोबत काही महिलाही होत्या. त्यांनी अतिक्रमण हटविण्यास विरोध करत आरडाओरडा सुरू केला. त्याकडे दुर्लक्ष करत अतिक्रमण हटविण्याचे काम सुरूच ठेवण्यात आले.
या वेळी या जागेबाबत कायदेशीर प्रक्रिया आणि तांत्रिक वाद सुरू असल्याचे श्री. आंबेकर यांनी सांगत मोहीम थांबविण्याची, तसेच कागदपत्रे सादर करण्यास वेळ मागितली. तोपर्यंत पथकाने त्याठिकाणच्या टपऱ्या व त्यावर टाकण्यात आलेले अच्छादन हटविले होते. या कारवाईच्या पार्श्वभूमीवर त्याठिकाणी शहर पोलिस ठाण्याचे अधिकारी, कर्मचारी बंदोबस्तासाठी तैनात करण्यात आले होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.