कऱ्हाडात मृतावस्थेत आढळला बिबट्या; वन विभाग घटनास्थळी दाखल

कऱ्हाड (सातारा) : बेलवडे बुद्रुक (ता. कऱ्हाड) येथील शिवारात मृतावस्थेतील बिबट्या (Leopard) शेतकऱ्यांना आढळून आला. त्याची माहिती वन विभागाला (Forest Department) देण्यात आल्यावर तात्काळ वन अधिकारी, कर्मचारी घटनास्थळी दाखल झाले आहेत. बेलवडे बुद्रुक येथील तेलक नावाच्या शिवारात आज सकाळी उसाच्या शेतात चारा आणायला गेलेल्या शिवाजी बाळासाहेब पवार या शेतकऱ्याला परिसरातून दुर्गंधीचा वास आला.

त्यानंतर त्यांनी त्याठिकाणी पाहिले असता, त्यांना बिबट्या शेतात पडला असल्याचा दिसला. त्यावेळी ते थोडे घाबरले. त्यांनी तात्काळ त्याची माहिती ग्रामस्थांना दिली. त्यानंतर काही वेळातच बिबट्याला पाहण्यासाठी शिवारात लोकांची मोठी गर्दी झाली होती. दरम्यान, वन विभागाला त्याची माहिती दिल्यानंतर वन अधिकारी व कर्मचारी घटनास्थळी दाखल झाले आहेत. त्यांच्या माहितीनुसीर, बिबट्याचा मृत्यू हा दोन दिवसांपूर्वी झाला असल्याचा प्राथमिक अंदाज त्यांनी व्यक्त केला आहे.