नात्याला काळिमा फासणारी घटना! पोटच्या अल्पवयीन मुलीवरच बापानं केला अत्याचार; मुलगी गरोदर राहिल्यानंतर घटना उघड

दहिवडी : वडिलांनी अल्पवयीन मुलीवर अत्याचार केल्याची संतापजनक घटना माण तालुक्यात (Man Taluka) घडली आहे. अत्याचारामुळे मुलगी गरोदर (Pregnant) राहिल्याने ही घटना उघडकीस आली.

याबाबत पोलिसांनी वडिलांना अटक करून दहिवडी न्यायालयासमोर (Dahiwadi Court) हजर केले असता न्यायालयाने त्याला सात दिवसांची पोलिस कोठडी दिली आहे.

याबाबत मिळालेली माहिती अशी, नराधम वडील हा अल्पवयीन मुलीवर मागील दोन वर्षांपासून अत्याचार करत होता. मुलीच्या आईने मुलीला विश्वासात घेऊन विचारले असता वडिलांनीच अत्याचार केल्याचे मुलीने आईला सांगितले. आईने दहिवडी पोलिस ठाण्यात (Dahiwadi Police Station) धाव घेऊन स्वतःच्या नवऱ्याविरुद्ध तक्रार दाखल केली. या तक्रारीवरून दहिवडी पोलिसांनी गुन्हा दाखल केला.