मायणी : येथील बालाजी ज्वेलर्सवर सशस्त्र दरोडाप्रकरणी पोलिसांनी तपासाला गती दिली असून, पाच पथके ठिकठिकाणी रवाना करण्यात आल्याचे पोलिस उपनिरीक्षक मालोजीराव देशमुख यांनी सांगितले.
मायणीसारख्या ग्रामीण भागात बंदूक रोखून ज्वेलरी लुटण्याचा प्रकार पहिल्यांदाच घडल्याने जिल्ह्यात खळबळ उडाली आहे. पोलिसही त्याबाबत आश्चर्य व्यक्त करीत आहेत. परिसरातील नागरिक व व्यापारी भयभीत झाले आहेत. सशस्त्र दरोडाप्रकरणी कोणत्याही परिस्थितीत संशयित गजाआड झाले पाहिजेत, असे आदेश पोलिस अधीक्षक अजय कुमार बन्सल यांनी दिल्यामुळे पोलिस अधिकारी ॲक्शन मोडवर आले आहेत. स्थानिक गुन्हे अन्वेषण विभाग आणि स्थानिक पोलिस संयुक्तपणे घटनेचा तपास करीत आहेत.
त्यासाठी दहिवडी विभागाचे पोलिस उपअधीक्षक डॉ. नीलेश देशमुख यांच्या मार्गदर्शनाखाली पोलिस उपनिरीक्षक मालोजीराव देशमुख यांनी पाच तपास पथके तयार केली आहेत. विटा (सांगली) ते दहिवडी पट्ट्यातील हॉटेल, ढाबे स्थानिक पथकाकडून पिंजून काढले जात आहेत. शेजारील सांगली जिल्ह्यातील विटा, आटपाडी परिसर, सोलापूर जिल्ह्यातील पंढरपूर, म्हसवड या भागांतही पथके रवाना करण्यात आली आहेत. आज दिवसभर पथके तपास करीत फिरत आहेत. मात्र, अद्याप त्यांच्या हाती काहीही ठोस लागलेले नाही, असे सूत्रांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
