Khambatki Ghat : सातारा-पुणे महामार्गावरील खंबाटकी घाटात बोगदा ओलांडल्यावर धोका वाढतोय; काय आहे कारण?

खंडाळा : सातारा-पुणे महामार्गावरील (Satara-Pune Highway) खंबाटकी घाटात (Khambatki Ghat) बोगदा ओलांडल्यावर पहिल्याच वळणावर डोंगर- टेकडीवरील काही छोटी दगड-गोटे वारंवार महामार्गावर येत असल्याने वाहनांच्या अपघात होऊ शकतो. प्रसंगी दरड कोसळण्याची भीती व्यक्त होत आहे.

मात्र, संबंधित विभागाने याकडे दुर्लक्ष होत असल्याने वाहनचालकांकडून संताप व्यक्त होत आहे. याबाबत माहिती अशी, की साताऱ्याहून पुण्याकडे जात असताना खंबाटकी घाट ओलांडल्यानंतर लगेच पहिल्या वळणावर एक मोठी टेकडी आहे. यावरील लहान-मोठे दगड हे सतत महामार्गावर येत असतात.

हे दगड पाऊस पडल्यानंतर किंवा जोरदार वादळ वारा सुटल्यानंतर नजरेस पडतात. मात्र, एखाद्या वेळेस न दिसल्यास अपघात होण्याची भीती व्यक्त होत आहे. महामार्ग प्राधिकरणाने या डोंगरकड्यावर लोखंडी जाळी लावणे गरजेचे आहे, तसेच यावर तत्काळ उपाययोजना करावी, अशी मागणी जोर धरू लागली आहे.