औंध शिक्षण मंडळाची दैदिप्यमान परंपरा जतन करू : अजित पवार

औंध : औंधच्या (Aundh) मातीत अनेक नामवंतांनी शिक्षण घेतले आहे,औंध शिक्षण मंडळाला मोठा वारसा असून औंध शिक्षण (Education) मंडळाची दैदिप्यमान परंपरा जतन करू असे मत उपमुख्यमंत्री व औंध शिक्षण मंडळाचे अध्यक्ष ना.अजित पवार (Ajit Pawar) यांनी व्यक्त केले.

औंध येथील औंध शिक्षण मंडळाच्या वार्षिक सर्वसाधारण सभेत ते बोलत होते,यावेळी चेअरमन गायत्रीदेवी पंतप्रतिनिधी, चारुशिलाराजे पंतप्रतिनिधी, विश्वस्त हणमंतराव शिंदे, राजेंद्र माने, प्रशांत खैरमोडे, श्रीधर कंग्राळकर, अँड.अतुल क्षीरसागर, शंकरराव खैरमोडे, बापूसाहेब कुंभार, आब्बास आतार, शाकिर आतार, प्रदीप कणसे, संजय निकम यांची प्रमुख उपस्थिती होती.

यावेळी बोलताना ना.अजित पवार म्हणाले की,औंधमध्ये साने गुरुजी,ग.दि.माडगूळकर,शंतनू किर्लोस्कर आदींनी या ठिकाणी शिक्षण घेतले आहे. ग्रामीण भागातील विद्यार्थ्यांना दर्जेदार व गुणवत्तापूर्ण शिक्षण देण्यासाठी औंध शिक्षण मंडळाच्या विद्याशाखांना भौतिक सोयी-सुविधा उपलब्ध करून देण्यासाठी कटिबद्ध असल्याचेही ना.पवार यांनी सांगितले. सभेच्या प्रारंभी या वर्षात निधन झालेल्या सभासदांना आदरांजली वाहण्यात आली,यावेळी सचिव प्रदीप कणसे,सहसचिव संजय निकम यांनी अहवाल वाचन केले.

चारुशिलाराजे पंतप्रतिनिधी यांची विश्वस्तपदी निवड- 

या सर्वसाधारण सभेत चारुशिलाराजे पंतप्रतिनिधी यांची सर्वानुमते विश्वस्तपदी निवड करण्यात आली, उपस्थित सभासदांनी तसेच औंध ग्रामस्थांनी या निवडीबद्दल अभिनंदन केले.