कऱ्हाड - शरद पवार आणि छगन भुजबळ यांची भेट जातीय तेढ निर्माण होऊ नये, यासाठी असेल तर आनंदच आहे. जातीजातीत तेढ निर्माण होणे, हे योग्य नाही. मात्र, ते तेवढ्यासाठीच भेटले का? हा प्रश्न आहे. सध्या महायुतीत बरीच गडबड सुरू आहे. त्यामुळे महायुतीचे बरेच नेते आता आमच्या संपर्कात येत आहेत, असा गौप्यस्फोट काँग्रेसचे विधिमंडळ नेते आमदार बाळासाहेब थोरात यांनी आज येथे केला.
ज्येष्ठ नेते विलासराव पाटील-उंडाळकर यांचा पुतळा अनावरण आणि कोयना बॅंकेच्या इमारत उद्‌घाटनासाठी आमदार थोरात आज येथे आले होते. त्यादरम्यान त्यांनी माध्यमांशी संवाद साधला. माजी मुख्यमंत्री आमदार पृथ्वीराज चव्हाण, काँग्रेसचे सरचिटणीस अॅड. उदयसिंह पाटील-उंडाळकर उपस्थित होते. आमदार थोरात म्हणाले, ‘छगन भुजबळ यांनी शरद पवार यांची भेट नेमकी कशासाठी घेतली, हे माहिती नाही.
ते जातीय तेढ निर्माण होऊ नये, यासाठी भेटले असतील तर आनंदच आहे. जातीजातीत तेढ निर्माण होणे, हे योग्य नाही. मात्र, ते तेवढ्यासाठीच भेटले का? हा प्रश्न आहे. सध्या महायुतीत बरीच गडबड सुरू आहे. त्यामुळे महायुतीचे बरेच नेते आता आमच्या संपर्कात येत आहेत. मराठा समाजाला न्याय मिळाला पाहिजे. मात्र, समाजा-समाजात तेढ निर्माण होवू नये.’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.