जालना येथील घटनेच्या पार्श्वभूमीवर जिल्ह्यात पोलीस दलानं सतर्क राहावं, तसंच कोणताही अनुचित प्रकार घडणार नाही याची दक्षता घ्यावी.
सातारा : मराठा आरक्षणाबाबत (Maratha Reservation) शासनाची भूमिका आणि सर्वोच्च न्यायालयामध्ये सुरू असलेल्या सुनावणीबाबत माहिती देण्यासाठी मराठा आरक्षण समिती सदस्य या नात्यानं पालकमंत्री तथा राज्य उत्पादन शुल्क मंत्री शंभूराज देसाई (Shambhuraj Desai) यांनी खासदार उदयनराजे भोसले (Udayanraje Bhosale) यांची आज भेट घेतली.
यावेळी पालकमंत्री देसाई व खासदार उदयनराजे यांच्यामध्ये सविस्तर चर्चा झाली. त्यामध्ये देसाई यांनी न्यायालयामध्ये सुरू असलेली प्रक्रिया या विषयी माहिती दिली. तसेच आरक्षण मिळेपर्यंत मराठा समाजाला देण्यात येणाऱ्या सवलतींविषयी सविस्तर माहितीही दिली.
यावेळी जिल्हाधिकारी जितेंद्र डूडी, पोलीस अधीक्षक समीर शेख उपस्थित होते. दरम्यान, मराठा समाजानं शांतता राखावी, कोणत्याही अफवांवर विश्वास ठेऊ नये व आरक्षणाच्या बाबत शासनास सहकार्य करावे, असे आवाहनही पालकमंत्री देसाई व खासदार उदयनराजे भोसले यांनी केले. जालना येथील घटनेच्या पार्श्वभूमीवर जिल्ह्यात पोलीस दलानं सतर्क राहावं, तसंच कोणताही अनुचित प्रकार घडणार नाही याची दक्षता घ्यावी, अशा सूचनाही देसाई यांनी दिल्या.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
