मराठा समाजातर्फे त्रुटी दूर करण्याचे आमदार अरुण लाड यांना साकडे
कऱ्हाड (सातारा): सुशिक्षित बेरोजगार तरुणांना आण्णासाहेब पाटील आर्थिक विकास महामंडळाच्या कर्ज प्रकरणात येणा-या अडचणी दूर कराव्यात, अशी मागणी विधान परिषदेचे आमदार अरुण लाड यांच्याकडे निवेदनाव्दारे ओमकार देशमुख यांनी केली आहे.
निवेदनातील माहिती अशी: महाराष्ट्रातील असंख्य तरुण-तरुणी सुशिक्षित बेरोजगार आहेत. आरक्षणापासून वंचित मराठा समाज आहे. हा युवा मराठा समाज नोकरी मिळत नाही म्हणून व्यवसायाकडे वळला आहे. परंतु व्यवसाय करण्यासाठी आर्थिक सक्षम नसल्याने व्यवसायासाठी कर्जाची आवश्यकता आहे.
युवा वर्गाला आण्णासाहेब पाटील आर्थिक विकास महामंडळा मार्फत कर्ज मिळावे अशी अपेक्षा असते. मात्र राष्ट्रीयकृत बँकाकडून तरुणांना सहजसहजी कर्ज उपलब्ध होत नाही. बॅंका अनेक अटीशर्ती लावत आहेत. त्यामुळे कर्ज आणि व्यवयासायापासून मराठा समाजातील तरुण वंचित राहत आहेत. हे थांबले पाहीजे यासाठी तुम्ही स्वतः लक्ष घालून महामंडळ, बॅंका, मंत्री, वरिष्ठ अधिकारी व युवक यांना एकत्र घेऊन बैठक घेवून तोडगा काढावा, अशी मागणी निवेदनाव्दारे देशमुख यांनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
