मल्हारपेठ-पंढरपूर महामार्गावरील अपघातात खटावातील एकाचा मृत्यू

मायणी (सातारा) : मल्हारपेठ-पंढरपूर राज्य महामार्गावर (Malharpeth-Pandharpur Highway) मायणी-चितळी दरम्यानच्या कालव्याजवळ टमटम व दुचाकीचा अपघात होऊन एकाचा जागीच मृत्यू झाला, तर एकजण जखमी झाला आहे. मयत सुरेश शिवाजी पवार (वय 33) व जखमी नामदेव शिवाजी जाधव (वय 50) दोघेही (रा. चितळी, ता. खटाव) येथील आहेत.

मयत व जखमी चितळीकडून मायणीकडे दुचाकीवरून निघाले होते, तर टमटम मायणीकडून चितळीच्या दिशेने निघाले होते. त्यांचा समोरासमोर अपघात झाला. टमटम चालक मायणी येथील असून अपघातानंतर त्याने स्वतःचे वाहन मायणी पोलीस दुरक्षेत्रात नेऊन उभे केले आहे. याबाबतचा पुढील तपास पोलीस करीत आहेत.