शहरात ठिकठिकाणी घाणीचे साम्राज्य आहे. मात्र, याकडे दुर्लक्ष करून सत्ताधारी कोरोना लसीकरणाच्या बॅनरबाजीत धन्यता मानत आहेत.
सातारा : कोरोनाचा (Coronavirus) कहर सुरू असताना सातारा नगरपालिकेने (Satara Municipality) सातारकरांसाठी एक आयसोलेशन सेंटर सुरू केले नाही. आता कोरोना रुग्ण कमी होत असताना आणि लस सर्वत्र उपलब्ध असताना सत्ताधाऱ्यांनी शहरात ‘मोफत लसीकरण’ (Free vaccination) अशी बॅनरबाजी सुरू केली आहे. एकीकडे डेंगीचे रुग्ण वाढत असताना त्याकडे सोयीस्कर दुर्लक्ष करून निवडणूक डोळ्यासमोर ठेवून सत्ताधाऱ्यांची ‘शो बाजी’ सुरू आहे. त्यामुळे हा बैल गेला अन् झोपा केला, कारभार कधी सुधारणार, असा सवाल विरोधी पक्षनेते अशोक मोने (Opposition Leader Ashok Mone) यांनी केला आहे.
या संदर्भात प्रसिद्धीस दिलेल्या पत्रकात श्री. मोने म्हणाले, ‘‘सातारा शहरात कोरोनाचे कहर सुरू होता. त्या वेळी सत्ताधाऱ्यांनी दुर्लक्ष केले. लस मिळत नसल्याने अनेकांनी स्व खर्चाने लस घेतली. पालिकेत कमिशन, टक्केवारी आणि टेंडर यातच सत्ताधारी गुरफटले होते. आता कोरोनाचे रुग्ण कमी झाले आहेत. जिल्हा परिषदेमार्फत शहरात लसीकरण कॅम्प घेतले जात आहेत. मात्र, त्यातही सत्ताधाऱ्यांनी बॅनरबाजी सुरू केली आहे.
शहरात ठिकठिकाणी घाणीचे साम्राज्य आहे. मात्र, याकडे दुर्लक्ष करून सत्ताधारी कोरोना लसीकरणाच्या बॅनरबाजीत धन्यता मानत आहेत. सत्ताधाऱ्यांच्या नियोजनशून्य कारभाराचा फटका सातारकरांना नेहमीच बसला आहे आणि आताही बसत आहे. लसीकरण कॅम्प आणि तुमची बॅनरबाजी सुरू राहू द्या; पण डेंगीपासून सातारकरांना वाचवण्यासाठी काही तरी उपाययोजना करा, असाही सल्ला मोने यांनी दिला आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
