Karad : शरद पवारांना पाठिंबा देण्यासाठी पंढरपूरचे कट्टर कार्यकर्ते पहाटे कराडात; यशवंतरावांना घातलं साकडं

कराड : राष्ट्रवादी काँग्रेसमध्ये उभी फूट पडल्यानंतर पक्षाचे अध्यक्ष ज्येष्ठ नेते शरद पवार (Sharad Pawar) हे आज कराडच्या दौऱ्यावर येत असून ते त्यांचे गुरू ज्येष्ठ नेते यशवंतराव चव्हाण यांच्या समाधी स्थळी अभिवादन करून राजकारणाची नवी दिशा ठरवणार आहेत.

त्यांच्या स्वागतासाठी सातारा, सांगली, कोल्हापूर व सोलापूर वरून कार्यकर्ते यशवंतराव चव्हाण (Yashwantrao Chavan) यांच्या प्रीतिसंगमावरील समाधी स्थळी येऊ लागले आहेत. दरम्यान, पंढरपुरातील दोन कार्यकर्त्यांनी आज पहाटेच येथे हजेरी लावून यशवंतरावांच्या समाधीस्थळी पूजा केली.

आणि आम्ही ज्येष्ठ नेते शरद पवार यांच्यासोबत आहोत, असे दाखवले. शरद पवार यांना पाठिंबा देण्यासाठी पंढरपूरहून पहाटेच हे दोन राष्ट्रवादीचे कट्टर कार्यकर्ते कराड येथे हजर झाले आहेत. त्यांनी ज्येष्ठ नेते यशवंतराव चव्हाण यांच्या समाधीस्थळी अभिवादन करून त्यांनी शरद पवार यांना ताकद द्यावी, अशी प्रार्थनाही केली.