कऱ्हाड (सातारा) : शहरात लाठ्याकाठ्या सोडून पिस्तूल (Pistol) हातात खेळू लागल्या आहेत. गुंडांकडेही सर्रास पिस्तूल आहेत. त्या जप्त होण्याचे जिल्ह्यात सर्वाधिक प्रमाण कऱ्हाडमध्ये आहे. १० वर्षांत तब्बल ५० हून अधिक अवैध पिस्तूल जप्त झाल्या आहेत. त्यातील एकाही पिस्तुलाचा तपास शेवटपर्यंत गेला नाही. जप्त पिस्तुलांच्या तपासात पोलिसांची (Karad Police) अनास्था दिसते. मात्र, तीच अनास्था गुंडांच्या टोळ्यांसाठी बळ देणारी ठरते आहे.
शहरातील विशिष्ट गल्ल्यांमध्ये शेकड्याने अवैध पिस्तूल आहेत. छोट्या वादातही त्या हवेत झळकतात.
शहरातील विशिष्ट गल्ल्यांमध्ये शेकड्याने अवैध पिस्तूल आहेत. छोट्या वादातही त्या हवेत झळकतात. त्याहीपेक्षा भयानक स्थिती गुंडांच्या टोळ्यांकडून २००९ पासून जप्त झालेल्या पिस्तुलांच्या तपासाची आहे. दहा वर्षांत जवळपास ५० अवैध पिस्तूल पोलिसांनी जप्त केल्या. गुंडांच्या टोळ्यांशिवाय तस्करीला आलेल्या पिस्तुलांचाही भांडाफोड बऱ्याच वेळा येथे झाला. जप्त झालेल्या एकाही पिस्तुलाचा तपास शेवटपर्यंत गेलेला नाही. महाराष्ट्र केसरी संजय पाटील, मयूर गोरे, बबलू माने ते पवन सोळवंडे खून प्रकरणापर्यंतचा अवैध पिस्तुलांचा आलेख वाढताच असतानाही त्याच्या तपासाचे गांभीर्य पोलिसांना दिसत नाही. अवैध पिस्तूल लोकांना दिसते. मात्र, पोलिस त्याबाबत धृतराष्ट्राच्या भूमिकेत दिसतात. त्यांचे अर्थपूर्ण व्यवहार चर्चेत आहेत.
शहरात अनेकदा पिस्तूल सापडली, की तडजोडीतून त्याबाबतचा गुन्हा दाखल झालेला नाही. त्यामुळेच भरचौकात, घरात घुसून गोळ्या घालण्याची मजल गेली आहे. अवैध पिस्तुलाच्या शोधासाठी कोंबिंग ऑपरेशन, गुन्हेगारांची झडती, पोलिसांची गस्त वाढवणे, गल्लीनिहाय डाटा ठेवणे, उपनगरांची माहिती ठेवणे अशा अनेक बाबी पोलिसांनी करणे अपेक्षित आहे. मात्र, तसे होताना दिसत नाही. त्यामुळे गुन्ह्याची संख्या वाढत आहे. शहरात काही स्थानिक नेते, कार्यकर्त्यांकडेही अवैध पिस्तूल आहेत, अशी चर्चा आहे. त्याची चौकशी कोणाही करताना दिसत नाही. पिस्तुलांची चर्चा होते. मात्र, कारवाई होत नाही. ही स्थिती बदलण्याची गरज आहे. पिस्तूल सापडली, की कारवाई न होता होणारी तडजोड टाळण्याची गरज आहे.
अशी आहे स्थिती...
काळ्या बाजाराने मिळणारी रिव्हॉल्व्हर २५ हजार ते दीड लाखापर्यंत
तस्करीने मिळणारी १० मॅगॅझिनची पिस्तूल एक ते १० लाखांपर्यंत
दहा वर्षांत गुंडांकडून जप्त झालेल्या पिस्तुलांची संख्या २५
दहा वर्षांत तस्करीने जप्त झालेल्या पिस्तुलांची संख्या २५
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
