कऱ्हाड ः अतिवृष्टीतील बाधीतांना देण्यात येणाऱी मदत ही अत्यंत तोकडी असुन त्यामध्ये वाढ करावी, अशी मागणी करत रयत क्रांती संघटनेच्या पदाधिकाऱ्यांनी कऱ्हाड (जि.सातारा) येथील तहसील कार्यालयासमोर बुधवारी आंदोलन केले. यावेळी शासनाने काढलेला मदतीचा आद्यादेश त्यांनी फाडुन मागण्यांचे निवेदन तहसीलदार यांना दिल्याची माहिती संघटनेचे नेते सचिन नलवडे यांनी दिली.
महापुर, अतिवृष्टीत शेतकऱ्यांचे मोठे नुकसान झाले. त्यामुळे शेतकरी खचला आहे. शेतकऱ्यांना शासनाकडुन भरीव मदतीची अपेक्षा होती. मात्र शासनाने अद्यादेश काढुन केवळ तोंडाला पाने पुसण्याचा प्रकार केला आहे, असा आरोप करुन श्री. नलवडे म्हणाले, अतिवृष्टीतील बाधीतांना देण्यात येणाऱी हेक्टरी दहा व पंधरा हजारांची मदत ही अत्यंत तोकडी आहे. त्यामध्ये वाढ करुन बागायती शेतीसाठी हेक्टरी एक लाख आणि जिरायती जमिनीसाठी हेक्टरी 60 हजार रुपये देण्याची आमची मागणी आहे.
शासनाने ती मदत तातडीने शेतकऱ्यांना द्यावी यासाठी आम्ही शासनाने काढलेल्या अद्यादेश फाडुन निषेध व्यक्त करत आहोत. वाढीव मदत मिळाली नाही तर यापुढेही तीव्र आंदोलन करु असा इशारा तहसीलदार यांना निवेदन देवुन शासनाला दिला आहे. येणाऱ्या गळीत हंगामात शेतकऱ्यांनी कष्ट करुन पिकवलेल्या ऊसाला एकरकमी एफआरपी द्यावी अशीही मागणी केल्याचे श्री. नलवडे यांनी सांगीतले. यावेळी संघटनेचे अशोक लोहार, योगेश झांबरे यांच्यासह शेतकरी उपस्थित होते.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
