Khambatki Ghat : खंबाटकी घाटात मोठी वाहतूक कोंडी; सकाळपासून धिम्या गतीनं वाहतूक सुरू, वाहनांच्या लांबलचक रांगा

खंबाटकी घाटात (Khambatki Ghat) सकाळपासून धिम्या गतीनं वाहतूक सुरू आहे. शनिवार आणि रविवारी सुट्टी असल्यामुळं वाहनांची संख्या बघता पुण्याहून सातारा (Pune-Satara Route) बाजूकडं जाताना घाटमाथ्यावर मोठी वाहतूक कोंडी निर्माण झालीये.

खंबाटकी घाटमाथ्यावर सहाव्या वळणावर असणाऱ्या दत्त मंदिराच्या ठिकाणी तीन लेनचा घाट दोनच लेनचा होत असल्यामुळं या ठिकाणी वारंवार ट्राफिक जाम होत असते.

याप्रमाणं आजही या ठिकाणी गाड्यांची संख्या जास्त असल्यामुळं वाहतूक धिम्या गतीनं सकाळपासून सुरू आहे. शनिवार आणि रविवारी सुट्टी असल्यामुळं या मार्गावर मोठी वाहतूक कोंडी निर्माण झालीये. सध्या वाहतूक पोलिस (Traffic Police) ही कोंडी सोडवण्याचा प्रयत्न करत आहेत.