Koyna Dam Update : चिंता वाढली! कोयना धरण क्षेत्रात पावसाचा जोर पूर्णपणे कमी; धरणात फक्त 'इतकाच' पाणीसाठा

पाटण : कोयना धरण (Koyna Dam) पाणलोट क्षेत्रात पावसाचा जोर पूर्ण मंदावला असून, कोयनानगर येथे १३, नवजा ३१ आणि महाबळेश्वरला १६ मिलिमीटर पावसाची नोंद झाली आहे.

कोयना जलाशयात प्रतिसेकंद चार हजार दहा क्युसेक पाण्याची आवक होत असून, एकूण पाणीसाठा २४.०४ टीएमसी झाला आहे.

दरम्यान, पावसाने सलग पाच दिवस ओढ दिल्याने पश्चिम भागातील भात व नाचणी पुनर्लागणीच्या कामावर परिणाम झाला आहे. मात्र, पूर्व भागात खरीप पिकांच्या आंतर मशागतीच्या कामासाठी शेतकऱ्यांची लगबग सुरू आहे.

पश्चिम भागात थोड्या प्रमाणात पाऊस पडत असला, तरी पूर्वेकडे मात्र गेली तीन दिवस पावसाने पूर्ण उघडीप घेतली आहे. त्यामुळं शेतकऱ्यांची चिंता वाढली आहे.