सातारा : पत्नीसोबतच्या अनैतिक संबंधातून मित्रानेच केला खून

कऱ्हाड : वाघेरी फाट्यानजीक आर्वीतील (ता. कोरेगाव) भाजी विक्रेत्याच्या खून प्रकरणी त्याच्याच मित्रासह चौघांना तालुका पोलिसांनी चोवीस तासात अटक केली. शनिवारी रात्री उशिरा खूनाची झाली होती. पत्नीसोबत अनैतीक संबंध आहेत, त्याच रागातून खून झाला आहे. रमेश रामचंद्र पवार ( ४०, रा. आर्वी) असे खून झालेल्याचे नाव आहे. रमेशच्याच मित्राने त्याचा खून केला आहे. दिपक ऊर्फ बाळकृष्ण शरद इंगळे (वय ३८), संदीप सुभाष इंगळे (४०, दोघे रा. आर्वी) आप्पा ऊर्फ सागर धनाजी इंगळे (२८) व गणेश विठ्ठल भोसले (२३, दोघेही रा. कारंडवाडी, ता. सातारा) अटक झालेल्यांची नावे आहेत.

पोलिसांची माहिती अशी की, आर्वी येथील रमेश याचे त्याचाच मित्र असलेल्या दीपकच्या पत्नीचे अनैतिक संबध होते. त्याचा राग दीपकच्या मनात होता. त्यावरून दोघात वादही झाला होता. सनिवारी त्याचे रूपांतर खूनात झाले. भाजीपाला खरेदीला आलेल्या रमेशला वाघेरी फाटा येथील दीपकसह चौघांनी गाडी आडवी मारून खून केला. रमेश जीपमधून भाजीपाला खरेदी करून आर्वीला निघाला होता. त्यावेळी मागून तवेरातून पाठलाग करणाऱ्या दीपक व त्याच्या तीन साथीदरांनी त्यांना वाघेरी फाटा परिसरात गाठले.

दीपकसोबत तिघे तर तर रमेश सोबत दोघे जण होते. दीपक व त्याच्या साथीदारांनी रमेश सोबतच्या लोकांना धमकी देवून तेथून जाण्यास सांगितले. त्यानंतर रमेशवर तलवार व लाकडी दांडक्याने वार करून त्टयाचा खून केला. त्यानंर त्यांनी तेथून पलायन केले. रमेशसोबत गेलेल्यांनी त्याला वाचिवण्याचा प्रयत्न केला मात्र त्याचा उपयोग झाला नाही. रमेशचा भाऊ नवनाथलाही रमेशसोबतच्या लोकांनीमाहिती दिली.

त्याने दिलेल्या पिर्यादीवरून पोलिसांनी दीपकसहीत चौघांवर गुन्हा नोंदवला होता. रात्री पसरा झालेल्या संशयीतांचा पोलिसांना सातत्याने पाठलाग सुरू ठेवला होता. पोलीस निरीक्षक आनंदराव खोबरे, हवालदार सज्जन जगताप, शशिकांत काळे, अमित पवार, धनंजय कोली व उत्तम कोळी यांनी तपसाची सुत्रे हाती घेतली. पोलिस पथकाने तेथे छापा टाकून दिपक इंगळे व संदीप इंगळे यांना ताब्यात घेतले. त्यांच्याकडून मिळालेल्या माहितीवरुन आप्पा ऊर्फ सागर इंगळे व गणेश भोसले यांना अटक केली.