कऱ्हाड : सातारा जिल्हा मध्यवर्ती बँकेच्या पंचवार्षिक निवडणुकीत दहा जागांसाठी आज मतदान झाले. त्याच दहा जागी सहकार पॅनेलचे सर्व उमेदवार मोठ्या मताने विजय होतील, असा दावा सहकारमंत्री बाळासाहेब पाटील यांनी केला.
जिल्हा बॅंकेच्या कऱ्हाड सोसायटी गटात उमेदवार असलेल्या सहकारमंत्री पाटील यांनी दुपारी तीननंतर मतदानाचा हक्क बजावला. त्यानंतर ते पत्रकारांशी बोलत होते. ते म्हणाले, ‘‘सातारा जिल्हा बँकेसाठी आज सकाळपासून उत्साहात मतदान सुरू होते. तीन वाजेपर्यंतच ९० टक्क्यांहून अधिक मतदान झाले आहे. पाच वाजेपर्यंत १०० टक्के मतदान होईल, अशी अपेक्षा होती. बॅंकेच्या २१ पैकी ११ जागा बिनविरोध झाल्या आहेत. उर्वरित दहा जागीही सहकार पॅनेलचे सर्व उमेदवार चांगल्या मताने निवडून येतील.’’
जावळी मतदारसंघात झालेल्या वादाबाबत बोलताना मंत्री पाटील म्हणाले, ‘‘जावळीमध्ये सकाळी किरकोळ वाद झाला. मात्र, तो वाद मिटला असून ज्यांनी वाद केला, ते दोघे दुपारनंतर एकत्र फिरत होते.’’
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
