सातारा : संगममाहुली येथील कृष्णा नदीपात्रातून वाळू चोरी करणाऱ्या पाच जणांना शहर पोलिसांनी अटक केली आहे. त्यांच्याकडून एक ट्रॅक्‍टर, ट्रॉली, चार मोबाईल व वाळू असा पाच लाख 22 हजार रुपयांचा ऐवज जप्त केला आहे.
सूरज सर्जेराव कोळपे (वय 28, रा. क्षेत्रमाहुली, ता. सातारा), बाळू अण्णा माने (वय 50, रा. लक्ष्मीटेकडी), शामराव शिवाजी कोळपे (वय 35, रा. क्षेत्रमाहुली), रमेश आत्माराम शिंदे (वय 35, रा. लक्ष्मीटेकडी), अमोल महादेव कांबळे (वय 37, रा. महागाव, ता. सातारा) अशी अटक केलेल्यांची नावे आहेत. संगममाहुली पुलाच्या खाली कृष्णा नदीपात्रात चोरून वाळू उपसा सुरू असल्याची माहिती पोलिसांना मिळाली होती. त्यानंतर पोलिसांनी छापा टाकून पाच जणांवर गुन्हा दाखल केला. त्यांना दोन दिवसांची पोलिस कोठडी देण्यात आली आहे. हवालदार राहुल दळवी तपास करत आहेत.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.