दागिने चोरीप्रकरणी दोन महिलांना अटक; कऱ्हाड पोलिसांची कारवाई

कऱ्हाड (जि. सातारा) : प्रवास करणाऱ्या महिलेच्या पर्समधील दोन तोळ्यांचे दागिने लंपास करणाऱ्या दोन महिला चोरट्यांना तालुका पोलिसांनी जेरबंद केले. चोरीस गेलेले एक लाख 11 हजारांचे दोन तोळ्यांचे सोन्याचे दागिने पोलिसांनी हस्तगत केले आहेत. सुप्रिया पिसाळ यांनी पोलिसात फिर्याद दिली आहे. 

पोलिसांनी दिलेली माहिती अशी, पिसाळ रिक्षाने करवडीला निघाल्या होत्या. त्या करवडीत उतरल्यावर त्यांनी पर्समधून दोन तोळ्यांचे सोन्याचे मंगळसूत्र, काळ्या मण्यातील सोन्याची वाटी, मणी जोडवी असा तब्बल एक लाख 11 हजार रुपयांचा मुद्देमाल चोरीस गेल्याचे त्यांच्या लक्षात आले. वडापच्या रिक्षात शेजारी बसलेल्या दोन अनोळखी महिलांवर त्यांचा संशय होता. त्यांनी तालुका पोलिस ठाण्यात त्याची माहिती देत गुन्हा दाखल केला. 

मराठा आरक्षणाचा अंतिम लढा छत्रपतीं च्या नेतृत्वाखाली व्हावा; शिवेंद्रसिंहराजेंची भावना

तालुका पोलिसांनी संबंधित दोन महिलांना गुन्ह्यात अटक केली. त्यांच्याकडून दोन तोळ्यांच्या सोन्यासह एक लाख 11 हजार रुपयांचा मुद्देमाल जप्त केला आहे. तालुका पोलिस निरीक्षक बाळासाहेब भरणे यांच्या नेतृत्वाखाली हवालदार शशिकांत काळे, सज्जन जगताप, अमित पवार, उत्तम कोळी, महिला पोलिस पूनम चव्हाण यांनी तपासात सहभाग घेतला. 

...यांना कुठली भाषा कळती तेच समजेना; उदयनराजे साता-यात गरजले

संपादन : बाळकृष्ण मधाळे