मल्हारपेठ (जि. सातारा) : बनपुरी, हावळेवाडीनंतर होम क्वारंटाइन असलेल्या मल्हारपेठमधील एका ज्वेलर्स व्यावसायिकाच्या अचानक मृत्यूमुळे मल्हारपेठ बाजारपेठेत खळबळ उडाली आहे. मृत्यूपश्‍चात मृतदेहाचे स्वॅब नमुने तपासणी करू नये, असा आदेश आरोग्य विभागाकडून दिला गेल्यामुळे त्याच्या मृत्यूबाबत संभ्रम कायम आहे.
आरोग्य विभागाच्या माहितीनुसार, संबंधित ज्वेलर्स व्यावसायिक आठ दिवसांपूर्वी कोलकत्याहून विमान प्रवास करून मल्हारपेठला आला होता. त्यानंतर दुकानाच्या मागील बाजूस तो एकटा राहात होता. मल्हारपेठ आरोग्य विभाग व ग्रामदक्षता समितीने त्यास होम क्वारंटाइन केले होते. दरम्यान, काल त्याच्या दुकानचे शटर बंद असल्याने शेजारील नागरिकांनी तपास केला असता संबंधित व्यक्ती इमारतीतील तिसऱ्या मजल्यावरच्या शौचालयाशेजारी मृत आढळून आली. त्याबाबत आरोग्य विभागास कळविण्यात आले. तालुका आरोग्य विभागाने तातडीने मृतदेह ताब्यात घेऊन शासकीय निर्देशानुसार मृतदेहावर पाटण येथे अंत्यसंस्कार केले.
या घटनेमुळे मल्हारपेठ बाजारपेठेत कमालीची अस्वस्थता पसरली आहे. गजबजलेली नागरी वस्ती असतानाही मल्हारपेठ संसर्गापासून कोसो दूरच राहिला आहे. अगदी हाकेच्या अंतरावरील नवसरी गावात रुग्ण सापडले असताना मल्हारपेठ मात्र बाधित होण्यापासून लांब होती. मात्र, काल ज्वेलर्स व्यावसायिकाचा मृत्यू कशामुळे झाला असावा, याबाबत चर्चा सुरू आहे. दरम्यान, मल्हारपेठ बाजारपेठ कडकडीत बंद ठेवण्याचा निर्णय व्यापारी वर्गानेच घेतल्यामुळे येथे पुन्हा एकदा सन्नाटा पसरला आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.