कुडाळ (जि. सातारा) : संपूर्ण देशभर कोरोना विषाणूने थैमान घातले आहे. सातारा जिल्ह्यात एक हजारपेक्षा अधिक कोरोनाचे रुग्ण आढळले आहेत. या गंभीर पार्श्वभूमीवर सनपाणे (ता. जावळी) येथील एका भात उत्पादक शेतकऱ्याने जा कोरोना जा...चा अनोखा संदेश आपल्या भात खाचरातून देऊन सर्वांचे लक्ष वेधले आहे.
सनपाणे येथील यशवंत पवार या शेतकऱ्याने स्वतःच्या शेतशिवारातील भात खाचरामध्ये भात रोप तरवे टाकून "जा कोरोना परत जा' असा संदेश कोरोना विषाणूची आकृती उभी करत दिलेला आहे. त्यांनी भात खाचरामध्ये तरवे लावताना कोरोना आकृती व जा जा असा संदेश उगवेल असे लावले होते. त्यामुळे उगवलेल्या भात तरव्यांमधून चांगली जनजागृती होत आहे. जावळी तालुक्‍यातील कुडाळ- पाचगणी या रस्त्यालगत असणाऱ्या सनपाणे गावातील भात शेतीमध्ये हे तरवे येणाऱ्या-जाणाऱ्यांचे लक्ष वेधून घेत आहेत.
सध्या सातारा जिल्ह्यात कोरोनाचे रुग्ण मोठ्या प्रमाणामध्ये आढळू लागले आहेत. कोरोना रोगाच्या पार्श्वभूमीवर प्रत्येक नागरिकाने स्वतःची व कुटुंबाची काळजी घेतली पाहिजे व स्वतःचे संरक्षण स्वतः केले पाहिजे. कोरोनाची ही साखळी तोडली गेली पाहिजे, यासाठी अनेक स्तरातून जनजागृती केली जात आहे. त्याचाच एक भाग म्हणून या शेतकऱ्याने स्वतःच्या शेतामध्ये कोरोना जा जा अशी आकृती तरवे टाकत उभारली आहे. भात शेतीतून कोरोनाबाबत केलेल्या जनजागृतीचे सर्व स्तरातून कौतुक होत आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.