सातारा : किल्ले प्रतापगड आणि किल्ले अजिंक्यतारा येथे रोप वेचे काम प्रस्तावित आहे. ऐतिहासिक वारसा लाभलेल्या या गडकिल्ल्यांसह शहरातील, तसेच जिल्ह्यातील ऐतिहासिक वास्तूंच्या सुशोभीकरण आराखड्यावर आज कोल्हापूर येथील वास्तुविशारद इंद्रजित नागेशकर यांनी खासदार उदयनराजे भोसले यांच्याशी भेटीअंती चर्चा केली.
मराठा साम्राज्‍याच्‍या इतिहासात सातारा आणि किल्ले अजिंक्यतारा, प्रतापगड या ठिकाणांना अनन्‍यसाधारण महत्त्‍व आहे. अजिंक्यतारा, प्रतापगड आणि सज्‍जनगड येथे नागरिकांना जाणे- येणे सोपे व्‍हावे, यासाठी रोप वेचा प्रस्ताव केंद्र सरकारकडे विचाराधीन आहे. याठिकाणांशिवाय जिल्ह्यातील इतर ऐतिहासिक वास्तूंचे सुरक्षित जतन करणे आवश्यक आहे. साताऱ्यातील कमानी हौद, नवीन, जुना राजवाडा, तसेच किल्ले अजिंक्‍यताऱ्यावरील राजसदर या वास्तूंच्या सुशोभीकरणावर बैठकीत चर्चा झाली.
पर्यावरणाच्‍या अनुषंगाने येणाऱ्या अडचणींबाबत येत्‍या दोन दिवसांत नगरविकासमंत्री एकनाथ शिंदे यांच्‍यासमवेत बैठक आयोजित केल्‍याचेही श्री. उदयनराजे यांनी या वेळी श्री. नागेशकर यांना सांगितले. चर्चेअंती इंद्रजित नागेशकर यांनी किल्ले अजिंक्यतारा आणि किल्ले प्रतापगड येथील नियोजित सुशोभीकरणाची कामे व त्‍यासाठीच्‍या अंदाजपत्रकीय खर्चाची माहिती घेतली. माहिती घेत असतानाच या कामासाठी सोपवाल ती जबाबदारी निःस्पृहपणे पार पाडू, असे असा शब्‍द श्री. नागेशकर यांनी उदयनराजे भोसले यांना दिला. या वेळी मजीद शेख, अ‍ॅड. डी. जी. बनकर, काका धुमाळ, इर्शाद बागवान, बाळासाहेब ननावरे, संग्राम बर्गे, फिरोज शेख, अ‍ॅड. विनीत पाटील, सुभाष भोसले, गणेश चव्हाण आदी उपस्‍थित होते.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
