कर्तबगार कराटेपटूचे आयुष्य टांगणीला...

मदतीचे आवाहन; फुफ्फुस प्रत्यारोपण शस्त्रक्रियेची गरज
मदतीचे आवाहन; फुफ्फुस प्रत्यारोपण शस्त्रक्रियेची गरज
मदतीचे आवाहन; फुफ्फुस प्रत्यारोपण शस्त्रक्रियेची गरजsakal
Updated on

नागठाणे : शोतोकान कराटे क्रीडा प्रकारात देशात अव्वल कामगिरी बजाविलेला कराटेपटू सध्या मृत्यूशी झुंज देत आहे. त्याच्या आयुष्यासाठी सारेजण एकवटले आहेत. तो बरा व्हावा, यासाठी प्रार्थना करत आहेत.

संतोष हरिश्चंद्र मोहिते हे या कराटेपटूचे नाव. ते सातारा तालुक्यातील नागठाण्याचे. शोतोकान कराटेत त्यांनी प्रभावी कामगिरी केली आहे. केवळ राज्यातच नव्हे, तर देशात स्वतःचा लौकिक निर्माण केला आहे. शोतोकान कराटे अन् मार्शल आर्ट क्रीडा प्रकारात त्यांनी अनेक पदके पटकाविली आहेत.

मदतीचे आवाहन; फुफ्फुस प्रत्यारोपण शस्त्रक्रियेची गरज
Power Crisis: कोळसा, रेल्वे आणि ऊर्जा मंत्रालयानं स्थापन केला 'आपत्ती गट'

खेळाडू म्हणून यश पटकाविल्यानंतर ते पूर्ण वेळ प्रशिक्षणाकडे वळले. नागठाणे परिसरासह सातारा, बारामती, रायगड, दमण, गुजरात आदी ठिकाणी त्यांनी कराटेचे प्रशिक्षण वर्ग सुरू केले. श्री. मोहिते यांच्या मार्गदर्शनाखाली ८० राष्ट्रीय अन् २०० हून अधिक राज्यस्तरीय कराटेपटू निर्माण झाले आहेत.

जिल्ह्यातील महिला पोलिसांनाही त्यांनी प्रशिक्षण दिले आहे. अलीकडच्या काळात त्यांना कोरोना आजाराचा प्रादुर्भाव झाला. त्यावर मात केल्यानंतर त्यांना फुफ्फुसाच्या आजाराने घेरले. सातारा, कऱ्हाड, पुणे, कोल्हापूर आदी रुग्णालयांत उत्तम उपचार घेऊनही त्यांच्या प्रकृतीत फारशी सुधारणा नाही. त्यामुळे गेले सहा महिन्यांहून अधिक काळ ते रुग्णशय्येवर आहेत. आतापर्यंत त्यांच्या कुटुंबीयांनी उपचारासाठी सुमारे ४० लाख रुपये खर्च केले आहेत. येत्या काळात त्यांच्या उपचारासाठी ६० लाख रुपयांची आवश्यकता आहे. त्यांचे आप्तेष्ट, नातेवाईक अन् मित्र परिवार त्यासाठी प्रयत्नशील आहे. ‘सोशल मीडिया’च्या माध्यमातून नुकताच साडेतीन लाख रुपयांचा निधी गोळा झाला आहे.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

Related Stories

No stories found.