वाई (जि. सातारा) : वाईहून पाचगणी- महाबळेश्वरकडे जाणारा पसरणी घाट रस्ता बुधवारी (ता. ३०) दिवसभर वाहतुकीसाठी पूर्णपणे बंद राहणार असून, येथील वाहतूक इतर मार्गाने वळविण्यात येत असल्याची माहिती सार्वजनिक बांधकाम उपविभागाचे उपअभियंता श्रीपाद जाधव यांनी दिली. (satara-marathi-news-pasarni-ghat-closed-wednesday-mahableshwar-panchgani)
जाधव यांनी याबाबतचे पत्र वाईच्या उपविभागीय अधिकाऱ्यांना यांना दिले आहे. या पत्रात पोलादपूर- महाबळेश्वर- वाई-वाठार- भाडळे- बुध- राजापूर- दहिवडी रस्ता राज्य मार्ग वाहतुकीसाठी बंद ठेवण्यात येणार असल्याचे म्हटले आहे.
पसरणी घाटातील मोरी व भिंती अतिवृष्टीमुळे पडलेल्या आहेत. त्यामुळे रस्ता वाहतुकीस धोकादायक झालेला असल्यामुळे त्याची दुरुस्ती करण्याचे काम प्रगतिपथात आहे. रस्ता वाहतुकीस सुस्थितीत करण्यासाठी मोरीचे बांधकाम व संरक्षक भिंतीचे बांधकाम करण्यासाठी बुधवारी (ता. ३०) सकाळी ६ ते सायंकाळी ६ पर्यंतच्या कालावधीसाठी एक दिवसाकरिता रस्ता वाहतुकीसाठी पूर्णपणे बंद करण्यात येत आहे.
या कालावधीमध्ये पाचगणी, महाबळेश्वरकडे होणारी वाहतूक वाई- सुरूर- पाचवड- सातारा- मेढा- महाबळेश्वर, वाई- सुरूर- पाचवड- मेढा- महाबळेश्वर, तसेच सुरूर- वाई- उडतारे- कुडाळ- पाचगणी महाबळेश्वर अशी वळविण्यात यावी, असे प्रांताधिकारी कार्यालयाला कळविले आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.
