कुकुडवाड (जि. सातारा) : माण तालुक्‍यातील सरपंच आरक्षण सोडत रद्द करा, अशी मागणी बहुजनवादी संघटनांनी तहसीलदारांकडे निवेदनाव्दारे केली आहे. तालुक्‍यासाठी झालेली सरपंच आरक्षण सोडत दोषपूर्ण आणि अनुसूचित जाती प्रवर्गावर अन्याय करणारी आहे. झालेल्या सोडतीनुसार अनुसूचित जाती खुला प्रवर्गसाठी महिमानगड, हस्तनपूर, वारुगड, धामणी, बोडके, पांढरवाडी या ठिकाणी, तर अनुसूचित जाती महिला प्रवर्गसाठी पिंगळी बुद्रुक, परकंदी, खडकी, बोथे, कुरणेवाडी व भाटकी येथील सरपंचपदे आरक्षित करण्यात आली आहेत.
मात्र, 12 या गावांपैकी 11 गावांत अनुसूचित जातीचा सदस्यच नाही. पिंगळी बुद्रुक येथे अनुसूचित जाती संवर्गातील पुरुष सदस्य आहे. मात्र, तेथे अनुसूचित जाती स्त्री प्रवर्गाचे आरक्षण टाकले आहे. परिणामी या 12 गावांत अनुसूचित जाती प्रवर्गातील सदस्यच नाहीत. त्यामुळे ही 12 पदे रिक्त राहणार आहेत. सरपंच निवडीवेळी आरक्षित प्रवर्गातील सदस्य उपलब्ध झाला नाही तर आरक्षण बदलले जाऊ शकते. यामुळे संबंधित गावांचा प्रश्न सुटेल. परंतु, अनुसूचित जातीच्या प्रवर्गासाठी आरक्षित 12 पैकी 12 जागा रिक्त राहिल्यास अनुसूचित जातींवर अन्याय करणारी घटना आहे.
ही सोडत रद्द करावी, अन्यथा बहुजनवादी संघटनांच्या वतीने आंदोलन करण्यात येईल, असा इशाराही संघटनांनी दिला आहे. या निवेदनावर माजी सभापती बाळासाहेब रणपिसे, युवराज भोसले, प्रमोद लोखंडे आदींच्या सह्या आहेत.
पोलिस ठाण्याच्या टॉवरवर चढून युवकाचे शोले स्टाइल आंदोलन; न्याय मिळत नसल्याने संताप
शिवसैनिकांची अभेद्य फळी आणखी मजबूत करणार; बनपुरीत शेलारांची ग्वाही
सरकारी कर्मचाऱ्यांनाे! BSNLने तुमच्यासाठी आणलीय खास याेजना
Edited By : Siddharth Latkar
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.