पाटण (जि. सातारा) : तालुक्‍यातील 107 ग्रामपंचायतींपैकी 18 ग्रामपंचायती पूर्ण बिनविरोध झाल्या आहेत. त्यातील 17 ग्रामपंचायती अंशतः बिनविरोध आहेत. शेवटच्या दिवशी 476 उमेदवारांनी आपले अर्ज माघार घेतल्याने एक हजार 144 उमेदवारी अर्ज शिल्लक राहिले आहेत. त्यातील 369 उमेदवार बिनविरोध निवडून आले आहेत. प्रत्यक्ष 775 उमेदवार रिंगणात असून, 72 ग्रामपंचायतींसाठी मतदान होत आहे.
निवडणुकीसाठी 1655 उमेदवारांनी अर्ज दाखल केले होते. त्यापैकी 35 अर्ज छाननीत अवैध झाले होते. गोषटवाडी, आटोली, आंबेघर तर्फ मरळी, वांझोळे, नेरळे, कवरवाडी, खिवशी, सुरूल, विरेवाडी, वाघजाईवाडी, आंब्रुळे, आडदेव, कोदळ पुनर्वसन, दिवशी बुद्रुक, नाडोली, वाझोली, वजरोशी आणि सळवे ग्रामपंचायती बिनविरोध झाल्या. अंशतः बिनविरोध ग्रामपंचायतींमध्ये नाणेल, पाचगणी, डांगिष्टेवाडी, घाणबी, आंबवणे, कारवट, टोळेवाडी, केर, सांगवड, आसवलेवाडी, टेळेवाडी, जरेवाडी, तामिणे, पाळशी, कोळेकरवाडी, सातर, पाचपुतेवाडी व दुसाळे यांचा समावेश आहे.
तालुक्‍यातील 107 ग्रामपंचायतीत 809 सदस्यांसाठी निवडणूक होत आहे. त्यापैकी 49 जागांसाठी एकही उमेदवारी अर्ज दाखल नाही, त्यामुळे त्या जागा रिक्त आहेत. 369 उमेदवार बिनविरोध निवडून आले आहेत. 476 उमेदवारांनी अर्ज माघार घेतले आहेत. प्रत्यक्ष 391 जागेसाठी मैदानात 775 उमेदवार रिंगणात आहेत. 72 गावांत राजकीय वातावरण तापणार आहे.
संपादन : बाळकृष्ण मधाळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.