कऱ्हाड (जि. सातारा) : वीज वसुली करताना कायदा व्यवहार यांची सांगड घाला. ज्या कुटुंबाकडे खरंच पैसे नाहीत त्या कुटुंबाकडे माणुसकीच्या नात्याने पाहा. ओगलेवाडी विभागाचे अधिकारी चुकीच्या पद्धतीने वीजबिल वसुली करणार असाल, तर बळीराजा शेतकरी संघटनेच्या वतीने काळे फासून रस्त्यावर फिरू देणार नाही, असा इशारा बळीराजा शेतकरी संघटनेच्या वतीने महावितरणच्या अधिकाऱ्यांना दिल्याची माहिती जिल्हाध्यक्ष साजीद मुल्ला यांनी दिली.
महावितरणकडून वीज वसुली जोरात चालू आहे, असे सांगून श्री. मुल्ला म्हणाले, ""बळीराजा शेतकरी संघटनेच्या वतीने लॉकडाउन काळातील वीजबिलमाफी व नंतर वीजबिल वसुली असे दोन वेगवेगळे विधाने करणाऱ्या ऊर्जामंत्री नितीन राऊत यांचा निषेध करतो. त्यांच्या आदेशानुसार महावितरणचे अधिकारी घरगुती व शेतीपंपाची वीजबिल वसुली करत आहेत.
त्यासाठी कनेक्‍शन कट करण्यास सुरुवात झाली आहे. ओगलेवाडी विभागाचे अधिकारी वीज कनेक्‍शन कट करत आहेत. अधिकारी तुम्ही जर हम करे सो कायदा या पद्धतीने वीजबिल वसुली करणार असाल, तर तुम्हाला बळीराजा शेतकरी संघटनेच्या वतीने काळे फासू.''
संपादन : बाळकृष्ण मधाळे
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.