Satara News : प्रेम विवाहाला मदत केल्याच्या रागातून मुलीच्या नातेवाईकांकडून एकाला बेदम मारहाण

कऱ्हाड - प्रेम विवाहाला मदत केल्याच्या संशयाच्या रागातून मुलीच्या नातावेईकांकडून एकास मारहाण झाली. त्यात संबधिताचा मृत्यू झाला. जनार्दन महादेव गुरव (वय ४९, रा. राजमाची) असे मृताचे नाव आहे. काल रात्री अकराच्या सुमारास राजमाची येथे घटना घडली. त्या हजारमाचीतील १० जणांवर खुनाचा गुन्हा दाखल आहे. त्यातील तिघांना पोलिसांनी अटक आहे. बाबासाहेब पवार, विकास पाडळे व विनायक चंदुगडे अशी अटक केलेल्यांची नावे आहेत. त्यांना येथील फौजदारी न्यायालयात उभे केले असता पोलिस कोठडी देण्यात आली आहे.

पोलिसांनी दिलेल्या माहितीनुसार बाबासाहेब पवार यांच्या मुलगीने एकासोबत पळून जावून विवाह केला आहे. त्याला पवार कुटूंबियांचा विरोध होता. काही दिवसांपासून त्यांचा शोध सुरू आहे. त्याच दरम्यान त्यांना राजामाची येथील जनार्दन गुरव पळून गेलेल्यांच्या संपर्कात आहे, अशी माहिती मिळाली. त्यानुसार त्याची खात्री करण्यासाठी काल रात्री पवार व त्याचे आठ ते दहा जण जण जनार्दनच्या राजमाची येथील घरी गेले

त्यांनी त्यांस बाहेर बालवून घेतले. चौकशी करताना उत्तरे नीट देत नसल्याने ते तेथून त्याला घेवून बाजूला गेले. काहीव वेळाने गुरव यास लाकडी दांडक्यासहीत लाथाबुक्क्यांनी मारहाण केली आहे व गुरव जखमी असल्याची माहिती त्यांच्या कुटूबियांना मिळाली. गुरव कुटूबिंय तेथे धावत आले. त्यावेळी गुरव जखमी अवस्थेत निपचीप पडले होते.

त्यांनी अन्य लोकांच्या मदतीने त्वरीत त्यांना कृष्णा रूग्णालयात हलवले. उपचार सुरू असताना रात्री गुरव यांचा मृत्यू झाला. त्याची माहिती कळताच राजमाची परिसरात तणावाचे वातावरण होते. घटनेची माहिती मिळताच शहर पोलिसही तत्काळ तेथे पोचले. पोलिस उपाधीक्षक अमोल ठाकूर, वरिष्ठ पोलिस निरिक्षक प्रदीप सुर्यवंशी,

सहायक पोलिस निरिक्षक एस. एम. शितोळे यांनी घटनास्थळी भेट देवून पहाणी केली. त्या घटनेबाबत प्रमोद पवार यांनी पोलिसात फिर्याद दिली आहे. त्यानुसार १० जणांवर गुन्हा दाखल झाला आहे. त्यातील तिघांना शहर पोलिसांनी अटक केली आहे. त्यांना येथील फोजदारी न्यालयात हजर केले असता त्यांना पोलिस कोठडी मिळाली आहे, सहायक पोलिस निरिक्षक शितोळे तपास करत आहेत.