साताऱ्यात पाणीपुरवठा त्वरित सुरू करा; नगराध्यक्षांच्या पदाधिकाऱ्यांना सक्त सूचना

सातारा : शाहूपुरी परिसरातील नागरिकांना पाणीपुरवठा करण्यासाठी उभारण्यात आलेल्या कण्हेर धरण पाणी योजनेची पाहणी नगराध्यक्षा माधवी कदम, उपाध्यक्ष मनोज शेंडे व इतर पदाधिकऱ्यांनी केली. पाहणीदरम्यान योजनेची प्रलंबित कामे गतिमान करत लवकर पाणीपुरवठा सुरू करण्याच्या सूचना पालिका पदाधिकाऱ्यांनी प्राधिकरणाच्या अधिकाऱ्यांना देण्यात आल्या. 

योजना पाहणीवेळी पाणीपुरवठा सभापती सीता राम हादगे, आरोग्य सभापती अनिता घोरपडे, समाजकल्याण सभापती संगीता आवळे, नगरसेविका आशा पंडित, माजी पंचायत समिती सदस्य संजय पाटील, महाराष्ट्र जीवन प्राधिकरणाचे शाखा अभियंता सतीश अग्रवाल, माजी शिक्षण सभापती राम हादगे, अतुल दिसले, संदीप सावंत, नंदू कांबळे आदी उपस्थित होते. या दौऱ्यात कण्हेर पाणी योजनेतील शाहूपुरीतील आठ लाख लिटर पाण्याची टाकी, पेढ्याचा भैरोबा येथील जलशुद्धीकरण केंद्र, तसेच कण्हेर योजनेच्या उपसा पंपगृहाची पाहणी करण्यात आली. 

मराठा आरक्षण द्या, अन्यथा आम्हाला विष पिऊन मरू द्या; खासदार उदयनराजेंचा सरकारला गर्भित इशारा

पाहणीदरम्यान पंचायत समितीचे माजी सदस्य संजय पाटील यांनी प्रस्तावित क्षेत्रात नागरिकांना पाण्याबाबत येणाऱ्या अडचणी मांडल्या. पाहणीनंतर माधवी कदम, मनोज शेंडे, सीता हादगे यांनी प्राधिकरणाच्या अधिकाऱ्यांकडून योजनेच्या प्रलंबित कामांची माहिती घेत ती कामे मार्गी लावण्यासाठीच्या सूचना केल्या. ही योजना लवकरात लवकर पूर्ण होऊन जुलै महिन्याच्या पहिल्या आठवड्यात पाणीपुरवठा करण्यासाठी प्रयत्नशील असल्याची प्रतिक्रिया सीता हादगे यांनी या वेळी दिली. 

साताऱ्याच्या बातम्या वाचण्यासाठी येथे ► क्लिक करा

संपादन : बाळकृष्ण मधाळे